22 liedjes
scroll naar beneden voor de teksten
- Daniël Blake (Aope Deure 2018)
- Dans van gevangene (De Nuuj Baedeleers)
- Dao zin zo van die luuj (De Nuuj Baedeleers)
- De ballade van de sexuele gölzigheid (De Driesjtuver Opera)
- De buurvrouw (Mantelzorg werkt)
- De grote Sigfried ('t Pact van Asselt)
- De keessjaaf (Inruulwaar)
- De kwis (Inruulwaar)
- De maon van La Balma (Nooit meer allein, Aope Deure)
- De meeuwe danse weer (Het Meisje met de meeuwen)
- De moritat van Mack 't Mets (De Driesjtuver Opera)
- De nach sjloot es ein daeke (Wiejer Kieke, Aope Deure)
- De pojer ballade (De Driesjtuver Opera)
- Derde Driesjtuver finale (De Driesjtuver Opera)
- De sjtamboum
- Det höb ich meer geheurd (Inruulwaar)
- De waeg kump vrie (Inruulwaar)
- Die sjlupende pien (Inruulwaar)
- Doot get (Zelf Sjöldj)
- Doot 't veur ós (Nooit meer allein)
- Drank is wie de leefde (De Nuuj Baedeleers)
- Druime vanne windj (Wiejer Kieke)
Daniël Blake (‘ne miens)
PDF met tekst en akkoorden
Spotify
YouTube
Zien laeve lang haaj hae gewèrk mit plezeer
Aan zien uig zoog se det d’r nooit loog
Hae haaj waat d’r haaj en hae hoofde neet meer
hae hólp ederein dae ‘t vroog
Hae goof heel zien hert hae goof ziene lach,
mer wie det det hert neet meer kós
Toen leep alles anges es ooit ‘s gedach
En wis hae neet meer waat det d’r mós
Geweun ‘ne miens, ‘ne miens wie doe en ich
Geweun ‘ne miens, ‘ne miens mit ’n eige gezich
Gein nummer, geine casus of ’n ónbekènd getal
Geine sjteuntrèkker zónger idee
Geine klaplouper, deef, gein hopeloos geval
Gein vinkske op ’n sjerm of dossier
'ne miens geweun ‘ne miens
Hae kwoom inne meule van regels en vraoge
van woróm neet dit of neet det
Sjeit nieks op pepier höbs se vas waal gelaoge,
en zo woor d’r altied waal get
De pot waerde kleiner, de ieskas te laeg,
’n erpelke zaat en get louk
De haop woor gevlaoge mit hulp óngerwaeg
De sjouw mós ’t doon zónger rouk
Soms woor d’r emes dae meinde ’t good,
de res vónj ‘m neuzel of gek
Mer nemes dae wis wie ’t eigelik zoot
Hae vroog allein óm respek
-
Jo Janssen (basgitaar)
Leo Crombach (gitaar)
Luc Jakobs (toetsen)
Ton Custers (zang, gitaar)
Tekst en muziek: Ton Custers
Arrangement: Aope Deure Band
CD: Aope Deure 2018
Mei 2018 Marlstone Music
-
Dans van de gevangene
PDF met tekst en akkoorden
Spotify
Neet meer euver zeure,
laot ’t mer gebeure
Nemes zal ooit heure,
waat v’r höbbe oetgevraete
Neet meer euver zeure,
laot ’t mer gebeure
Waat v’r höbbe oetgevraete,
alles vergaete
-
Angelique van Grimbergen (klarinet)
Ben van Daal (piano)
Joep Servais (accordeon)
Koor: Bram, Eppo, Frans, Jeanne, Joep, Joris, Josse, Maartje, Maril, Resi, Ton, Vera
Tekst, muziek en arrangementen: Ton Custers
CD: De Nuuj Baedeleers
2017 Marlstone Music
-
Dao zin zo van die luuj
Mevrouw verraojum:
Dao zin zo van die luuj die se gaer alles guns,
’n sjteinpuis en ’n hele gore vrat.
Es se die den taenge kums, is ’t ech ’n kuns,
die rat te laote sjpinne wie ’n kat.
Sjmaer häör ’t kruutje mit ‘ne glimlach ómme móndj.
Óngertösse dink se zak toch zeve maeter in de sjtróndj.
Pak die luuj wo se ze pakke kins.
Zaeg aan de peut ónger häör sjteul.
Zorg det ederein die luuj verwins,
en geneet van det geveul.
-
Tekst en muziek: Ton Custers
Uit: De Nuuj Baedeleers 2017
-
De ballade van de sexuele gölzigheid
(Vrouw Peachum)
Al liek d’r eine op de duvels nachgeis.
De sjlechter hae, en alle luuj mer sjlachvleis
De vrekste hóndj, vès inne horeviever.
Waem maak ‘m heit, en leut ‘m sjmeule? Wiever
Det vreug neet of hae wilt, es d’r weer sjteit
Det is de sexuele gölzigheid
Hae gluif neet in de Biebel, wètte lach hae óm
Hae meint, dat hae de allergrootste is.
Wèt, det waem’n wief zuut, al verlaore is.
Löp dan ’t leefs ein blökske óm
Hae zal de daag neet veur de aovendj prieze
Want veur ’t nach is, póp d’r weer dae vieze
Ein oer, twee daag, en soms pas nao get waeke
De grootste geis blief toch in hore sjtaeke
En die toen zagte, det zie neet zo wore
Wie die verrekte, waem begroof häör? Hore.
Det vreug neet of hae wilt, es d’r weer sjteit
Det is de sexuele gölzigheid
Dae hèlt zich aan de biebel, dae ouch aan de wèt
Of se noe gluifs, of nörges ech mit zits.
De morge kiek ze toch, desse gein eier its.
En ‘sjmiddes dink se nach aan dit of det
En ‘s aoves zaet me: waem is noe de wieze
Mer veur ’t nach is, póp d’r weer dae vieze
Mit ein bein sjteit d’r bienao in ’t graaf noe
Hae zjwieg en hèlt toch eind’lik ziene móndj toe
Zien laeve hingk aan eine draod mit gaetjes
Waat haet d’r inne kop, dae kaerel? Maedjes.
Zelfs bie de galg noe zuus se det d’r sjteit
Det is de sexuele gölzigheid
Hae zit d’r zo wie zo van veur toet achter in
Hae haet in häöre handj, ‘t Judasloon gezeen
En ouch zelfs hae begint noe in te zeen
Det ‘m det vrouwluujs gaat zien graaf zól zin.
Al kènt d’r noe dan zich zien haor oettrèkke
Nag veur ’t nach waerd, zal ein gaat hae dèkke
-
Tekst: Bertold Brecht
Muziek: Kurt Weil
Vertaling: Ton Custers
Uit: De Driesjtuver Opera 2012
-
De buurvrouw
Nag dök dink hae weer truuk aan wie 't vreuger 'ns begón,
de buurvrouw die mós eins per waek 'ns effe aan de zón.
Hae zag natuurlijk jao wie men 'm vroog óm det te doon,
want anger miense helpe det vonj hae altied al heel sjoon.
Zo ging hae eins per waek toen mit de buurvrouw aan de lóch,
mer langzaam bleek det uurke mit de buurvrouw neet genóg.
De buurvrouw brook 'n bein waem leut zo emes den allein,
en net veur sjloetingstied ging hae nag sjnel nao Albert Heyn.
Det bein det kwoom neet good meer en de sókker ging ómhoog,
hae ging mit häör toen same nao de endocrinoloog.
Dae goof häör 'n recep toen veur 'n sjpuitje veer maol daags,
mer wie hae sjpuite zitte mós det woor veur hem get vaags.
Hae ging nao eine cursus en hae leerde wie ‘t mós,
de buurvrouw die woor blie ómdet zie zelf det ech neet kós.
Dus veer keer toen per daag zóch hae zien buurvrouw toen mer op,
hae goof häör den 'n sjpuitje en vertèlde sjnel 'n mop.
't Woor op ‘ne goonsdig en hae leep toen euver sjtraot,
hae kwoom toen mit de buurman van de buurvrouw aan de praot.
Hae zag waat hae de ganse daag zo veur de buurvrouw deej,
det brach dae goje man in eine keer op 'n idee.
Want hae haaj ouch 'n buurvrouw en die woor neet good ter bein,
en ‘s aoves door de waek den woor die buurvrouw dök allein.
Vanaaf dae daag haet hae dus weer 'n nuuj adres d'r bie,
en haet hae nooit meer ech 'ns veur zichzelf 'n uurke vrie.
-
Ton Custers (zang en gitaar)
Tekst en muziek: Ton Custers
CD: Mantelzorg werkt
2007 Marlstone Music
-
De grote Sigfried
PDF met tekst en akkoorden
Spotify
E = Erenfried
K = Koor
M = Mathilde
(E) Ich bön de grote Sigfried, en ich doon waat ich wil
En trèk ich miene klaepel aop haat doe dich den mer sjtil
Ich bön de grote Sigfried, de sjrik van ederein
En es ich mich vervael den houw ich alles kort en klein
(K) Hae is de grote Sigfried, en hae duit waat d’r wilt
En trèk hae ziene klaepel aop den haje veur ós sjtil
Hae is de grote Sigfried, de sjrik van ederein
En es hae zich vervaelt den houwt hae alles kort en klein
(E) Kiek hie, hie sjteit d’r de Viking prins, de sjrik van ederein
Ich vinj en pak mich waat ich mich wins, hou alles kort en klein
van Exeter toet Dumbarton, van Doresjtad toet hie
Nag veur ’t good en waal begón, woor ’t alweer euver en veurbie.
Mit zó’n sjeep mit veurop ‘ne drakekop
Ging ’t sjnel en veur kwome euveral
Es emes get zag den hinge v’r dae op, zo kreeg se geine kal
(M) Ich weit nag es of ’t gister woor, det ich hie voot aan wal zat
Die luuj hie haje al heel sjnel door, det ich gaer sjlaon en jat
En es den emes präötjes haaj, den sjnoorde ich dae móndj
Den zoop ich mich ’n sjök in die vaaj, en rolde ‘ne kop euver de gróndj
De res die ’t zoog leep ’t dun naeve de bein
En sjproke mich aan mit Heer (koor: och Heer)
Mit miene baardbiel heel ich häör klein
det sjmaakde ech nao meer (koor: väöl meer)
-
Maartje Heijckers (zang)
Wilco Vergeldt (zang)
Orkest en koor Noormannenschouwspel
Tekst, muziek en arrangement: Ton Custers
CD: 't Pact van Asselt
2015 Marlstone Music
-
De keessjaaf
PDF met tekst en akkoorden
YouTube
Ich höb mich meer gesjneje aan ne keessjaaf,
det dink det is en blief veur mich te link.
Ich höb mich weer gesjneje aan ne keessjaaf,
vandaag verdween ‘n sjtökske van ne pink,
De kees loog klemvas inne handj
en ich zat de sjaaf aan aan ne kantj.
Ich dach nach sjtik dit geit te gaaf,
mer op èns woor ‘n sjtök van miene pink d'r aaf.
Ich höb mich meer gesjneje aan ne keessjaaf,
det dink det is en blief veur mich te link.
Ich höb mich weer gesjneje aan ne keessjaaf,
vandaag verdween ‘n sjtökske van ne pink.
't Woor 's aoves laat dus 'sjmorges neet te vreug op
en dao sjtóng ich den mit miene duffe kop.
Gegaete haaj ich al lang nieks meer
allein gisteraovendj chips en neutjes tösse 't beer.
Bótram enne botter enne kees sjtóng klaor
en verdomme jao ich zoog alweer 't kómmende gevaor.
Mer mien maag die zag toen alle jong kóm,
doe kèns 't doot toch neet zo dóm
De ganse daag al haaj ich gaar oet nieks meer gehad,
ich sjtóng oetgehóngerd veur de ieskas oppe keukemat.
Mit de lètste energie kreeg ich de deur nach aop,
dach aan kruutje jam spread keek mer weg woor miene haop.
Dao loog allein verlaote nag ‘n sjtökske kees,
mer ja ich haaj toch hónger wie ‘n oetgehóngerd bees.
De bótram woor gesjmaerd en de kees woor aan ne beurt
en veur ich 't good besefde woor 't al gebeurd.
-
Peter Joosten (samples)
Peter Stapel (gitaar)
Ton Custers (zang)
Tekst en muziek: Ton Custers
CD: Inruulwaar
1985 PJP Studio
-
De kwis
PDF met tekst en akkoorden
YouTube
Avro, Tros Veronica zie houwde zich al d’r óm
waem 't oet móch zende want dit zou insjlaon es ‘n bóm
Gepresenteerd door Wullem dae in 't landj ‘n sjter noe is
de enig echte grote "Hoge Piete Kwis".
Geldj zou 't neet koste want gans veur nieks deje ze mit
veur ‘n bietje P.R. sjtónge zie gaer in 't gelid
Teen miense zoue mit doon in koppels van sjteeds twee
mit al die grote name zeker ‘n gesjlaag idee.
't Duo Sjeng en Sjeng oet Limburg,
Ruud en Gijsje oet Den Haag
Ronny oet de States mit aje Jozef aan de sjlaag
Klaasje dae deej same mit Johny oet 't Vaticaan
en Greetje gans van iezer ging d'r mit Nely taengenaan
Mer veur d'r get gebeurd woor dao loog Johny oppe móndj
Klaas dag ‘n contaclens mer nae hae kösde weer de grondj
Ronny lómp es altied mit zien klitse dreuverhaer
Russe sjreeuwde Jozef en hae pakte zien gewaer.
'n Oer haaj Wullem neudig veur det ederein weer zoot
en zo begós de eerste runj en Gijs reep: Det is good.
Waat is good vreug Wullem ich höb nag gaar oet nieks gevraog
Ich blief Gijsje sjteune zag Ruud toen dudelik en traog
Sjeng oet Limburg mit de piep zag ich zit nörges mit
zolang de liefsjpreuk blief: zwijg, zie niets en bid.
Johny oet 't Vaticaan goof Sjeng toen drek geliek
en Klaas sjprook Sjeng toen aan
dink neet det ich van Johny wiek.
Van papier haaj angere Sjeng inmiddels vleegtuugskes gemaak
wanneer die dinge vlege det bön ich dae det oet maak
Greetje heurde vlege en ‘t reet d'r sjtinkend ‘ne aaf
Sjiet aan al die miene, correct antjwaord Neely braaf
Gijs haaj óngertösse zien tesse barstes vol
mit al waat los en vas zoot ging hae weer aan de rol
Wie Wullem det zoog zag Ruud doe zuus 't weer verkeerd
Gijs maak soms get foute mer noe haet d'r ech geleerd
En Wulm dae zag ich kap d'r mit mer nemes goof meer aom
Ruud bie Neely, Sjeng dae zoot bie Johny aan de baom
Greet reep verontwaardigd: Ruud what's wrong with mich
en Klaas dae sjloog toen Sjeng mit ‘ne rechse in 't gezich
Angere Sjeng dae dach det hae ‘n vleegtuugsjtartbaan waas
Ronny, Gijs en Jozef sjnaajde zich noe glaas nao glaas
Dit woor 't den zag Wulm "De Hoge Piete Kwis"
Blief häör mer vertroewe den geit d'r ech nieks mis
ech nieks mis.
-
Peter Joosten (samples)
Peter Stapel (gitaar)
Ton Custers (zang)
Tekst en muziek: Ton Custers
CD: Inruulwaar
1985 PJP Studio
-
De maon van la Balma
PDF met tekst en akkoorden
Spotify
YouTube
't Is al dónker, 't glaas half laeg
de lètste windj dae zeuk zich ziene waeg
verlaote sjteul op 'n laeg terras
'n zaag geluid vanoet de Mas
De sjlaop dae wint de daag zeuk rös
't Is de nach dae weer de sjterre kös
de grote baer dae kiek voldaon
en zeuk tösse de berg 'n halve maon
Vertroewd geluid noe van de nach
nooit ech gaon sjlaope mer de ganse daag gewach
örges gesjlumerd zich versjaole veur de zón
tösse de berg toet det de nach opnuuj begón
En ederein dae noe nag wakker is
dae veult de vrieheid hie zo wie ze is
wie dae man dae sjteit veur waat d'r sjteit
kiekend nao de daag dae ten inj noe geit
't Is gedaon weer veur vandaag, morge 'ne nuje daag
mit luuj die se weer kènne leers
mit druime die se oetprobeers
kiek wie de waeg nao 't paradies, morge weer te gaon
net wie 't water van de waterval
langzaam wegdruimp in de maon
-
Hay Hutjens (accordeon)
Joep Servais (samples)
Jo Janssen (basgitaar)
Leo Crombach (gitaar)
Ton Custers (zang en gitaar)
Tekst en muziek: Ton Custers
Arrangement: Aope Deure Band
CD: Aope Deure
Juni-september 2008 Marlstone Music
Eerder op:
Nooit meer allein 2002
-
De meeuwe danse weer
PDF met tekst en akkoorden
YouTube
Wie ‘ne boum dae griep nao waat d’r kómme geit,
de kruun wie veugel inne lóch
Dae langzaam gruijt door det d’r vrie en sjtevig sjteit,
de sjtam es maedje det get zóch
‘t Maedje leut de meeuwe danse,
oppe maot van ’t water, en ‘t ritme van de windj
De krumels inne handj zin kanse,
‘ne opmaot veur later, wie de toekoms van ’n kindj
’t Is de tied wo op ’t handjsjrif haet gedreve,
dae bronze boum dae vol in bleuj weer sjteit
En eder meeuw is anges weer gesjreve,
In ’n taal die ederein versjteit
-
Hub Boesten (toetsen, bugel)
Ton Custers (zang, gitaar)
Tekst en muziek: Ton Custers
Arrangement: Hub Boesten
CD: Het meisje met de meeuwen
2013 Studio Hub Boesten
-
De moritat van Mack ’t Mets
En de haaj haet sjerpe sjnietenj, die se zuus bie eedre beet
En Macheath, löp mit ein mets rondj, mer det mets det zuusse neet
Op ‘ne sjone blauwe maondaag, hingk ’n liek half oet ‘t raam
Eine miens geit sjtil de hook óm, Mack ’t Mets is ziene naam
En Schmul Meier is verdwene, zo wie minnig rieke vent
Mack ’t Mets dae haet zien cente, dae men gaar nieks make kent
Jenny Towler woor gevónje mit ’n mets in häöre sjoot
Bie de have dao löp Mackie, aan zien henj zuut nemes blood
En dae grote brandj in Soho, zeve miense kwome óm
In de toemel dao sjteit Mackie, dae men nieks vreug, hae hèlt zich dóm
Die bekènde jónge witvrouw, mit det kinjerlik gezich
Woor verkrach en waerde wakker, Mackie waat deej det mit dich?
-
Tekst: Bertold Brecht
Muziek: Kurt Weil
Vertaling: Ton Custers
Uit: De Driesjtuver Opera 2012
-
De nach sjloot es ein daeke
PDF met tekst en akkoorden
Spotify
YouTube
De sjtilte liek te sjreve door de nach
de druime van det waat eins ooit verwach
de windj dae fluustert zaag get in ‘n oor
en langsaam dringt de boodsjap bie dich door
Ouge in de laegte van waat is
zeen veur zich waat d'r waerd gemis
bouwe op haop van waat d'r kómme geit
sjtarend of de deur nao morge aope sjteit
De nach sjloot es ‘n daeke óm dich haer
de morge woor te wiet
en alles geit weer wiejer óm dich haer
waat sjtil sjteit is de tied,
toet 't leeg waerd liek zo wiet
't Zelfde mer toch anges is 't leeg
de laegte is de deepte die 't kreeg
vol van det det waat nag neet gezjwege of gezach
sjienend door ’t matglaas, van waat nemes haaj gedach
De eerste sjtap wo örges de goje kantj mót zin
zeukend nao 't aevewich van hie es 't begin
kwaod op nemes, mer toch barstend oet 't vel
neet de rös gevónje alles ging toch net te sjnel
-
Hay Hutjens (accordeon)
Jo Janssen (basgitaar)
Leo Crombach (gitaar)
Ton Custers (zang en gitaar)
Tekst en muziek: Ton Custers
Arrangement: Aope Deure Band
CD: Aope Deure
Juni-september 2008 Marlstone Music
Eerder op:
Wiejer Kieke 1997
-
De pojer ballade
M = Macheath
J = Jenny
(M) In eine tied, dae lang veurbie noe is.
Laefde veer toen al same, het en ich.
En waal van miene kop, en van häör bein
Ich deej mien bès en het verzorgde mich.
‘t Geit ouch anges, en zo neet allein. 0.40
Es eine vriejer kwaam, kroop ich sjnel oet ós bèd
En drónk mich dan ’n glaas of get, gedroog mich net
Es hae zich sjaamde, zag ich bèste heer
Went geer nog eins zólt wille, väöl plezeer!
’n Half jaor lang wo men zich vas in biet
Zo laefde veer in óze horekiet.
(J) In eine tied, dae lang veurbie al is.
Waar ich nog jóngk, en waar ’n lekker dingk.
Es d’r gein geldj meer waar, dan sjnouwde hae mich aaf
Waar ‘t geliek: ”Doe, ich verpats dich diene ringk!
Dae ringk, gans good, maar waat hingk dao van aaf
Ich sjprook es ich den opsjtenjing waar ‘n klaor taal
Den vroog ich ‘m heel direk, waat hae zich den dach waal
Toen haet d’r mich zo mer op mien tandjvleis gehouwd
En dao nao haet hae nag ’t hoes verbouwd
(J & M) ’n Sjoon half jaor wo men zich vas in biet
Zo laefde veer in óze horekiet.
Det waar dae tied, dae lang veurbie noe is.
(M) Dae aevel toch nag ech neet zo sjaemel waar
(J) Es men allein bie daag den same laag
(M) Ómdet ‘t wie gezag, sjnachs drök bezig waar
Sjnachs is normaal toch, maar ‘t geit ouch bie daag.
(J) En wie ‘t kiendj kwaam en ich wól dan doon van hop
(M) Dan deje veer ‘t zo, ’t zat zich baove d’r op.
(J) Hae wól ‘t kiendj neet inne boek al gans verdrökke
(M) Terwiel ich wis, det toch det leave zól mislökke
(J & M) Nao det half jaor, is nemes dae meer lied
Zo laefde veer in óze horekiet.
-
Tekst: Bertold Brecht
Muziek: Kurt Weil
Vertaling: Ton Custers
Uit: De Driesjtuver Opera 2012
-
Derde Driesjtuver finale
Koor
Heur! Heur! Heur!
Heur! Wae kump?
De boodsjapper van de keuning.
De boodsjapper van de keuning kump!
Kiek hae kump, kiek hae kump!
Brown
Nao aanleiding van häör kreuning bevaelt de keuningin,
Det kapiteit Macheath noe drek vriegelaote waerd.
Tegeliekertied waerd hae in de erfelikke adelsjtand benump
En krieg hae kesjteel Marmarel
en ouch ’n rente van teen doezjend póndj
vanaaf noe toet ziene dood euverhenjigd.
De aanwezige broedspare leut de keuningin
al häör keuninklikke gelökswinse sjture.
Macheath
Gered noe! Gered noe!
Jao, ich wis ‘t waal, jao ich wis ‘t waal:
Es de nood kump kieke, zal gelök sjterker blieke.
Es de nood kump kieke, zal gelök sjterker blieke.
Polly
Gered noe! Gered noe!
Dae Mack van mich dae is gered noe!
Ich bön gelökkig.
Vrouw Peachum
Zo kump toch alles op ‘t lèts nag good.
Wie sjoon en röstig waar den toch ós laeve,
Es ‘t boodsjappers van de keuning meer zooj gaeve.
Peachum
En daoróm blief mer sjtaon wó det g’r noe sjtaot, en zing de koraal.
Van die die ’t erms zeen, van häör sjaemele laeve
det geer gesjpeeld höb vandaag.
In ’t echte laeve is häör inj dök ’t ergs,
De boodsjappers van de keuning die kómme mer zelje.
En die gertrap gaon waere, zólle trappe.
Daoróm mótte veer ‘t ónrech neet te väöl vervolge.
Koor
Vervolg ‘t onrech neet te väöl,
Al morge bevruus det toch van zelf, want ‘t is kaat
Want weit dit laeve vol van kaaj en zorge
en duustre ózel, jank van vreug toet laat.
-
Tekst en muziek: Ton Custers
Uit: De Drie Sjtuver Opera 2012
-
De sjtamboum
PDF met tekst en akkoorden
YouTube
Blajer in de windj, verhaol oet ’t verleje,
Wie v’r altied deje, wie ’t laeve is
‘t Laeve sjtruimp veurbie , langs de laevesliene
‘t Leech zal blieve sjiene, veur dae waerd gemis
En eder aafjied bringk en hèlt ós bie ein
’t Veult get einzaam mer zin neet allein
Eder blaad det vèlt eder waord vertèld
Wie ’t is en wie ’t ooit ‘ns woor
De sjtamboum dae gruijt langzaam door
In ós blief dae bandj, dae dieker is es water
’n zekerheid veur later, die se altied haes
Eine sjtool blief laeg, tied dae waerd gemaete
Mer nemes zal vergaete, wie ‘t is gewaes
Al waerd ’t nooit meer wie ‘t woor
De sjtamboum dae gruijt altied door
-
Kai Custers (gitaar)
Ton Custers (zang)
Koor: Aimee, Fon, Huub, Kai, Maril, Marina, Sel, Stephan
Tekst: Ton Custers
Muziek: The family tree (Michael Lennon, John Vester, Kipp Lennon)
Thuisopname: 2013/2016 door Bart, Maril en Ton
-
Det höb ich meer geheurd
Doe zaes 't woor veurbie dao woor al lang nieks meer
dao loog allein de vraog nag van wanneer
en daodoor leep 't wie 't leep, det höb ich meer geheurd.
Doe zoojs neet kènne óm opnuuj get te beginne
es d'r nag 'n kans in zoot óm get te winne
vertèl se noe aan ederein, mer det höb ich meer geheurd.
En wie ich det de allereerste keer heurde
woor ich deep geraak en neet bang veur waat d’r zou gebeure
Ich begreep 't gans en ich veulde mit dich mit
en ich dach zeker: dus dae angere dae zit dao neet mit.
Doe zaes doe höbs mich nooit begrepe
de waeg neet gevonje óm dich in mich te verdepe
en hae noe kènt dae waeg, det höb ich meer geheurd
Noe pas vinjs se det oor det loesterd
veuls dich neet meer zo gekloesterd
hae leut dich de keus, det höb ich meer geheurd.
En wie se mich det de allereerste keer zachs
wis ich waal zeker det 't klopte waas se dachs
veulde mich door waas se zags geraak
door dien vertroewe in mich op mien gemaak.
Det höb ich meer geheurd.
Det höb ich meer geheurd
Ich wil neet zègke des se luugs
ich weet zelfs zeker des se nemes bewus bedruugs
mer ich zègk allein bie waat d'r noe gebeurt
't is nieks nuuts want det höb ich meer geheurd.
-
Peter Joosten (samples)
Peter Stapel (gitaar)
Ton Custers (zang)
Tekst en muziek: Ton Custers
CD: Inruulwaar
1985 PJP Studio
-
De waeg kump vrie
PDF met tekst en akkoorden
YouTube
't Liek es of 't allemaol zo zin mós
de puzzel sjluut noe langzaam in elkaar
dae breef van dich de dinge die ich veul noe
en den dae sjnee wo sjmiltend ich nao sjtaar
nag effe en alles haet weer zien vaste kleur
't wit verdwient mer 't kump toch anges veur
De waeg kump vrie 't waerd weer minder glad noe
doe kèns weer zeen wo se sjtraks mós zin
nag aaf en toe den merk se des se oetlits
nag effe wènne zo pas in 't begin
de sjnee verdwient wie det ónhöbbelik geveul
al blief 't vas nag effe keul
De puzzel pas, 't dook vèlt de waeg kump vrie
de puzzel pas, 't dook vèlt en de waeg kump vrie
Neet zeker wo dae vrieje waeg nao toe geit
wie lang 't doert veur des se emes zuus
dezelfde waeg mer noe mit anger sjtraote
nag ónbekend mit allemaol det nuuts
veur 't eers sinds jaore weer opnuuj op eige bein
‘n bietje zjwaak mer sjterk genóg allein.
-
Peter Joosten (samples)
Peter Stapel (gitaar)
Ton Custers (zang)
Tekst en muziek: Ton Custers
CD: Inruulwaar
1985 PJP Studio
-
Die sjlupende pien
De gezet van maondjig die ligk d'r nag sjteeds
vol krumels oppe taofelhook
es sjtil bewies van de einzaamheid ‘n neet aafgesjreve book
doe begins ‘n gesjprek en kals hóngerdoet
mer zègke duis se gein waord
van ‘ne aafsjtandj prazel se door, dae juus daodoor waerd verklaord
Waas se ouch duis 't is allein ‘n meneer veur 't ómkriege van diene tied
't is neet des se 't mit taengezin duis
mer doe veuls dich es woors se get kwiet
't is of alles aan krach get verluus, 't waerd allemaol get biegesjaaf
allein det geveul van die sjlupende pien det blief en nump neet aaf
't is 't allein zin, 't is 't allein zin
Angs veur edere morge opnuuj es se väöl te vreug weer wakker sjriks
de gedachtes, de weemoed de haop en de pien
woos se dich sjteeds opnuuj in versjtriks
den sjteis se mer op en geis nao dien werk,
vergits de vraog van woveur
hings dich op aan illusies en druims, zo maaks se dich dien eige kleur
Waas se mis is dae rooie draod dae waat des se duis verbindj
gufs neet op ouch al zuus se 't neet meer,
haops des se 't toch ooit vinjs
paks die gezet en ruums se mer op, begins weer aan ‘n nuuj gesjprek
zitte blieve los zeker nieks op en maak dich op 't lèts mer gek
-
Peter Joosten (samples)
Peter Stapel (gitaar)
Ton Custers (zang)
Tekst en muziek: Ton Custers
CD: Inruulwaar
1985 PJP Studio
-
Doot get
PDF met tekst en akkoorden
YouTube
Es de raekening int rood sjteit,
en doe veuls det ’t verkeerd geit, den doot get.
Es de breve blieve kómme,
haat dich den neet van de dómme, mer doot get.
Es weer alles anges oetpak, en de mood dich inne sjoon zak
Door de elenj en de zorge neet meer dinke wils aan morge
Ich zègk dich mer ein dink: doot get
Doot get, en sjtaek de kop neet in ’t zandj
Doot get, mit det teiken aan de wand
Doot get, want mit nieks doon los se helemaol nieks op
Doot get, mit det jeuke van de henj
Doot get, mit det biete oppe tenj
Doot get, of doe hous dich later zelf veur diene kop, dus doot get
Doot get, doot get, doot get, doot get.
Es d’r emes in de kaai sjteit,
en doe veuls det det neet good geit, den doot get.
Es se emes zuus mit vraoge,
wo de haop bie is vervlaoge, den doot get.
Es se wèts waat kènt gebeure, laot den effe van dich heure
Óm de ozel te beperke, laot get zeen of laot get merke
Ich zègk dich mer ein dink: doot get
Es de breve blieve kómme, haat dich den neet van de dómme,
Doe wèts waat kènt gebeure, laot get van dich heure
-
Tekst en muziek: Ton Custers
Uit: Zelf Sjöldj 2019
-
Doot ’t veur ós
Gein plaats 't is te vol, det is waat ich sjteeds dökker heur
gekeke waerd den meistal nao de taal en nao de kleur
Half lachend zeen ich luuj die haole den häör sjouwers op
zie vulle zelf die sjpreuke aan mit ‘n pas geheurde mop
En es se dao den get van zaes den kieke ze dich aan
es of se water branje zuus, man trèk 't dich neet aan.
Den vraog ich mich soms aaf, nou haet 't eigelik waal zin
es ich dao veur de tichste keer opnuuj euver begin.
Doot 't veur ós, doot 't veur ós
zorg det d'r later alle kleure vanne raegebaog nag zin
Doot 't veur ós, doot 't veur ós
laot nemes sjtaon in waer en windj det is de wins van eder kindj
Doot 't veur ós, doot 't veur ós
groot en klein van alle kleure make noe ‘n good begin
noe gaef elkaar de handj, blief neet aanne kantj
en dans in alle kleure door 't landj.
Ich zeen soms beelde wo ich eedre keer opnuuj van sjrik
en wo ich ouch altied nag weer sjnachs van wakker lik
Beelde die gebeure ómdet nemes zag haaj op
beelde die begóste mit ‘n pas geheurde mop.
-
Maril Snijders (mandoline)
Ton Custers (zang, samples)
Koor: Fon Custers, Maril Snijders, Sel Custers
Tekst, muziek en arrangement: Ton Custers
CD: Nooit meer allein
2002 Broddel Produksies
-
Drank is wie de leefde
Koor:
Noe drink mer op ’t laeve, de laever, de leefde.
Veur drinke oppe leefde, op waat dao nag van euver is.
Mevrouw Horecas:
De drank is wie de leefde, en de leefde wie de drank,
Van sjlechte drank en leefde waers se neutelik en krank.
’t Laeve det is väöl te kort óm neutelik te zin.
Dus pak de bèste whisky en sjöt in.
Den kees dich ‘ne knappe vent,
en zorg det dae dich good verwent.
Geneet van waas se preufs en zuus,
probeer oppe tied get nuujs.
Koor:
Noe drink mer op ’t laeve, de leefde, de laever.
Veur drinke oppe laever, op waat dao nag van euver is.
-
Tekst en muziek: Ton Custers
Uit: De Nuuj Baedeleers 2017
-
Druime vanne windj
Versjtrik in weer ‘n anger zelfde net
oet nieks gesjpónne toet wo neet meer waerd gered
balancerend oppe kaorde van geveules
de windj wies mich de meules
Bang veur weer ‘n anker
det mich vashèlt toch weer bindj
allein mer druimend vanne windj
Ich veul 't klemme en 't trèk mich tegeliek
neet wille zeent is 't det wo ich nao kiek
Vraogend of gaon ouch vrie zin werkelik is
waerd waat ich doon besjlis
Wie dae vogel dae de waeg op vleugels vindj
blief ich ouch druime vanne windj.
-
Emiel Sillen (samples)
Ton Custers (zang)
Tekst en muziek: Ton Custers
Arrangement: Emiel Sillen
CD: Wiejer Kieke
1997 PJP Studio
-