2 liedjes
scroll naar beneden voor de teksten
- 1995 (Inruulwaar)
- 31 Januari (Inruulwaar)
1995
Net oppe radio dao heurde ich die plaat
van toen bie ós in 't begin
Kóm weer bie mich ligke mien veut die waere kaat
op zónne morge wo det auch kèn
De kinjer al nao sjool en veur de ganse daag vriej
sjtapel gek op dich veur de zóvölste keer opnuuj
Weer eine minister, ze sjrieve hae meint 't waal good
mer hae sjleit weer eins die echte plank mis
En auch de res van 't nuuts weer dezelfde aje kook
wie meer verangert wie meer 't zelfde is
't liek es of alles op die leuges en valse sjpreuke taerd
mer wo veur toen veur vóchte is nach sjteeds 't vechte waerd
Dao kump ein oplossing es se mer neet allein mer wachs
veur kriege ooit nag ederein zo wiet
Kiek noe nao ós,
dao haajs doe in 't begin auch neet aan gedach
det veur noe same hiej zo ligke zónger sjpiet
De aadste zès de tweede veer en de derde óngerwaeg
nag sjteeds neet vasgeroes en nag sjteeds de gekste sjlaeg
-
Peter Joosten (samples)
Peter Stapel (gitaar)
Ton Custers (zang)
Tekst en muziek: Ton Custers
CD: Inruulwaar
1985 PJP Studio
-
31 Januari
Vanaaf vandaag wètse waat ich veul
't klonk wie ich 't zag misjien get keul
toch is 't ech 't kump van binne oet
en noe vandaag noe kwoom 't eindelik droet
Ich vroot mich op veur det ich 't zègge mós
ich vroog mich aaf of ich 't waal aan kós
want ich wis auch doe veuls neet zo wie ich
toch wól ich eerlik zin in waat ich veul veur dich
Ich vraog dich neet óm dao get mit te doon
mit mich te kalle op ein anger toon
nae ich wól 't leefs det alles bleef zo es 't is
det door waat ich zag d'r verder nieks verangerd is
al waat ik wins det is mer klein
want waat ich vraog is mer allein
laot mich aaf en toe in dien uig verdrinke
en in mien druime toch sjtiekem aan ós dinke.
-
Peter Joosten (samples)
Peter Stapel (gitaar)
Ton Custers (zang)
Tekst en muziek: Ton Custers
CD: Inruulwaar
1985 PJP Studio
-