8 liedjes
scroll naar beneden voor de teksten
- Gank veur waas se höbbe wils (De Nuuj Baedeleers)
- Gebraoke belofte (De Nuuj Baedeleers)
- Gebroek leefde (De Nuuj Baedeleers)
- Geldj of köp mótte rolle (De Nuuj Baedeleers)
- Glimlach langs 't water (Aope Deure)
- Gluif dien moder (De Nuuj Baedeleers)
- Goje mood (Wohaer?)
- Gruije en allein sjtaon (Aope Deure)
Gank veur waas se höbbe wils
Mevrouw Horecas
De miensheid is toch door en door verrot (koor: kaaf rot)
’t Leefs maak men zich óngerein kapot (koor: haaj op)
Geluif of leefde, mach of cente, seks of politiek (koor: neet sjiek)
De kat die waerd geknepe es d’r effe nemes kiek (koor: en nemes kiek)
De waorheid waerd, es det zo oetkump, soms get ómgebuig (koor: wie ruig)
De eine gunt de angere ’t leech neet inne uig
Dus es se get wils regele, den zeuk se dich diegene oet
Wo se zeker van kèns zin det nemes häör vertroewd
Det zin den van die ritselaers, wo se ech neet blie van waers
Sjlijmers, sjojers, sjalevaegers, altied sjerp en altied twaers
Waat ich door de jaore haer, door sjanj en sjaaj noe höb geleerd
Emes dae dich zelf ooit haet bezeik is daoróm neet verkeerd
Emes dae ’t vaerdig krieg óm dich te bezeike
Kèns se in de zakewaereld väöl mit bereike
Gank neet veur gerechtigheid of waorheid of de eer
Mer gank veur waas se höbbe wils, want det bringk altied meer
-
Tekst en muziek: Ton Custers
Uit: De Nuuj Baedeleers 2017
-
Gebraoke belofte
Lucy:
Van kiendjs af aan höb ich al mótte heure:
es get waerd belaof pas den mer op.
Ich wis dus det dit zou kènne gebeure,
en achteraaf hou ich mich zelf veur miene kop.
Vertroewe is veur sukkels, en geluive leidt toet nieks,
zelfs zjwaere oppe leefde haet gein nut.
Ich zeen ’t aan dien uig, zo wie se noe weer nao mich kieks,
doe voel sjtóm trut.
En toch höb ich gedruimp, van dich hie aan mien zie.
De einzaamheid en angs veurgood veurbie.
Mer doe höbs mich bedraoge, bezeik, betoep, belaoge.
En toch nag sjteeds die arrogante toon.
Mer noe gelökkig zónger get te vraoge,
kries se dien verdeende loon.
-
Tekst en muziek: Ton Custers
Uit: De Nuuj Baedeleers 2017
-
Gebroek leefde
PDF met tekst en akkoorden
Spotify
YouTube
(MacKat) Es se de sjterkste bös, leefde gebroeks veur lös.
Alles gedaon kries en men druimp van dich, kruup veur dich.
Höbs ’t heft in henj, leuts se gaer zeen dien tenj.
Den sjnap se ’t laeve en den sjleup se gerös.
(Koor) Dus gebroek leefde, geneet van de leefde.
(MacKat) Gluif mich ich weit det det bevèlt want ich
(MacKat/Koor) Gebroek leefde, geneet van de leefde.
(MacKat) Nemes dae mich aan ’t lienke hèlt.
(MacKat)Es se de zjwaakste bös, baedels veur eedre kös.
Alles wils doon zo det ’t druimp van dich, hélt van dich.
Mit de móndj vol tenj, sjteis se mit laege henj.
Sjnaps nieks van ’t laeve, en doe sjleups óngerös.
(Koor) Dus gebroek leefde, geneet van de leefde.
(MacKat) Zorg det de leefde dich nooit euvervèlt.
-
Ben van Daal (piano)
Mella Klaessen (zang)
Koor: Bram, Eppo, Frans, Jeanne, Joep, Joris, Josse, Maartje, Maril, Resi, Ton, Vera
Tekst, muziek en arrangementen: Ton Custers
CD: De Nuuj Baedeleers
2017 Marlstone Music
-
Geldj of köp mótte rolle
Ben en Math:
’t Geldj mót blieve rolle, en ’t leefs nao oze kantj.
Probeer mer neet mit ós te solle,
want den löp ’t vas en zeker oet de handj.
Op ós lies dao sjtónge grote name:
Willem, Dieke Peter en Klaas.
Toet det die lestig waerde wèrkte v’r same,
mer euver ós sjpeelt nemes de baas.
Dus bie ós dao zit g’r veilig, en eur cente zeen v’r gaer
En ós waord det is ós heilig.
Es ’t mót den kómme veur zelfs nao uch mit ‘n,
of veur uch in ’t gewaer
-
Tekst en muziek: Ton Custers
Uit: De Nuuj Baedeleers 2017
-
Glimlach langs ’t water
PDF met tekst en akkoorden
Spotify
YouTube
Ich woor neet ech op zeuk, en allein op mien gemaak
Wie ich dich zoog zitte, waerde get in mich geraak
Veur kalde en veur drónke get, 't veulde good bie ein
Mer wie ich weer nao hoes ging, woor allein weer ech allein
Eine glimlach langs 't water zeuk ziene waeg en vindj mien oor
Den veul ich des doe kèns laeze, tösse al mien regels door
Dae glimlach langs 't water dae vertèld wie 't begós
En ich loester nao dien ouge, wil verdrinke
in dien erm en in dien druime, in ós
't Wete waat dien richting is, 't neet meer zeuke nao
Zeker zin van waat d'r is, de waeg dae se wils gaon
De tied koos óze waeg, de tied kreeg alle vraoge klein
Ein en ein bleek zóväöl meer, den neet allein
Ich loester en verdrink in eine druim mit 'ne glimlach
Ich vraog nieks höb al väöl te väöl gedach
-
Hay Hutjens (piano)
Ton Custers (zang)
Tekst en muziek: Ton Custers
Arrangement: Aope Deure Band
CD: Aope Deure
Juni-september 2008 Marlstone Music
-
Gluif dien moder
Mevrouw Verraojum
Pak waasse pakke kèns en laef dich oet.
Griep waasse griepe kèns, geneet.
Pak van de angere de sjoonste broed.
Lach óm dae anger zien verdreet.
Mer haat dich weg van d’n ambtenaer,
laot dich nooit verleije toet ’n jao.
Al haaj det bruudje dich ouch nag zo gaer.
Kiek allein mer óm dich haer, trouwe is ’n aope zjwaer.
Neet ’t hert mer ’t versjtandj, zorg veur cente in de handj.
Gluif noe mer dien moder want die zag ouch zelf ’s jao.
Dus pak waasse pakke kèns en laef dich oet. (koor: laef dich mer oet)
Doot of se altied op ‘m wachs. (koor: doot of se wachs)
Es ’t dich vreug den kal mer hóngerdoet. (koor: kal hóngerdoet)
Zorg desse zelf ’t lètste lachs.
-
Tekst en muziek: Ton Custers
Uit: De Nuuj Baedeleers 2017
-
Goje mood
Ich zit get veur mich oet te kieke
zeen wie zomer veur de herfs mót wieke
blajer zin al broen gekleurd
ich dink weer aan waat is gebeurd
noe achteraaf bön ich waal blie
ich lach weer en ich veul mich vrie
Goje mood, ich höb noe weer goje mood
dörf weer veuroet te kieke
wil mich veur nemes wieke
wil det geveul beware
ich wil mich zelf weer zin
Bekiek ich 't noe achteraaf
den vraog ich mich bie mich zelf weer aaf
wie kós ich ooit zo blindj toch zin
wóróm pas noe det nuuj begin
ich zal noe weer ‘ns rech op gaon
't kroepe is veurgood gedaon
-
Huub Custers (zang en gitaar)
Jo Douven (basgitaar en samples)
Ton Custers (zang en gitaar)
Tekst en muziek: Ton Custers
CD: Wohaer?
April 1983 AC Studio
-
Gruije en allein sjtaon
PDF met tekst en akkoorden
Spotify
Gans vreuger woor de buurt det wo 't allemaol óm ging
Belangriek woor de buurman en wo dae ging of sjting
Doe woors de béste vrunj mer tegeliek ouch concurent
Es 't mós den deilde se de allerlétste cent
Mer 't waerde groter en de buurt die woor te klein
't Dörp jao zelfs de regio det waerde dien domein
Doe kós nag ederein, toch woor 't neet meer es veurhaer
Mer waas se deejs det deejs se toch nag altied aeve gaer.
Alles bleef mer gruije dus de horizon verlach
In beeld kwoom ónherroepelik 't hogere gezag
Same mit de buurt det bleek de bèste sjtap te zin
Óm örges nag geheurd te waere en in tèl te zin
En wie toen bleek det dit toch ouch nag neet 't einde woor
Des se breijer kieke mós, ging se same door
'n paar luuj die kós se nag, mer anges es veurhaer
Waas se deejs det deejs se toch nag altied aeve gaer.
Europa woor de sjtap dae daonao volgde óm te gaon
En ederein zoog drek des se neet sjtil kós blieve sjtaon
't Leek zo heel ver weg mer waat die zachte kwoom hie aan
't wèrkte door toet in dien eige buurt en eige baan
Nag altied geit 't wiejer, 't geit noe óm de ganse bol
Dinks aan wie 't vreuger waas, höbs meistal nag waal lol
Kènne duis se nemes meer, 't is neet wie veurhaer
Mer waas se duis det duis se toch nag altied aeve gaer.
-
Hay Hutjens (accordeon)
Joep Servais (samples)
Ton Custers (zang en gitaar)
Tekst en muziek: Ton Custers
Arrangement: Aope Deure Band
CD: Aope Deure
Juni-september 2008 Marlstone Music
-