6 liedjes
scroll naar beneden voor de teksten
- Zelf sjöldj (Zelf Sjöldj)
- Zjwiege verplich (Wohaer?)
- Zo is 't laeve (De Nuuj Baedeleers)
- Zo laef se volges MacKat (De Nuuj Baedeleers)
- Zo mer inèns (Mantelzorg werkt)
- Zónger werk (Wohaer?)
Zelf sjöldj
PDF met tekst en akkoorden
YouTube
Doe zous ’t oet wille sjrewe, mer biets oppe tenj
Wie ’n sjaop veur de leeuwe, biets se oppe tenj
Toch zou se gaer wille zègke det ’t effe neet löp
Ich kal mer mit es se kalle, weit waat gebeurt
Ich lach mer mit es se lache, want ich weit waat gebeurt
Es ich zou zègke det ’t effe noe neet zo lekker löp
Eige sjöldj, dieke böldj, doe bös ’t zelf sjöldj (ze zègke)
Eige sjöldj, dieke böldj. Haajs se dit of det gelaote,
woor de deur noe neet gesjlaote, zelf sjöldj
Doe wóls ‘s gaer effe kalle, de ozel effe kwiet
Mer dinks allein mer aan valle, en alles is te wiet
Dus blief se verder zjwiege den duit nemes dich pien
Doe druims allein van die druime, van det get gebeurt
Doe haops op desse kèns haope, det get gebeurt
Mer doe zjwiegs want den duit nemes dich pien
-
Resi Coumans (zang)
Ton Custers ( gitaar)
Tekst en muziek: Ton Custers
Uit: Zelf Sjöldj 2019
-
Zjwiege verplich
Verplich óm te zjwiege
deej hae ziene móndj toch aop
Daonao ineins verdwene
mit 't lètste bietje haop.
Zègke kèns se hie allein mer
waat d'r dich waerd veurgezag
Es se morge nag gaer róndj löps
haat den veur dich waas se dachs.
Vreuger kós se alles zègke
nemes lètte op dich op
Zou se det nag ‘ns probere
den kos dich det diene kop.
Nag heur ich 'm dudelik sjpraeke
dae ós allemaol toen vroog
óm te vechte veur de vrieheid
nemes dae 'm daonao nag zoog.
-
Ton Custers (zang en gitaar)
Tekst en muziek: Ton Custers
CD: Wohaer?
April 1983 AC Studio
-
Zo is ’t laeve
MacKat
Ick kèn det, ich höb det ouch waal ‘ns, det geveul van te sjnel te wiet.
Veuls dich ónzeker, twiefels, bös van alles de draod weer kwiet.
Pol: Ich vraog mich aaf, haaj ich ’n keus?
MacKat: Doe höbs gein keus, en mós waal door.
Pol: Es die d’r woor, woor den die keus aan mich?
MacKat: Zo is ’t laeve.
Pol
Waat d’r ouch kump, wie ’t ouch woor,
’t is aan dich det ich mien hert verloor.
MacKat
Mer doe mós door.
’t Is aan dich det ich mien hert verloor
Pol
Es se ooit van mich ‘s weg zous mótte gaon,
zal ich dich troe zin en ich wach op dich.
Ich zal altied veur dich klaor blieve sjtaon, alles veur dich.
MacKat
Doe bös alles veur mich, doe bliefs alles veur mich
Koor
Waas se ouch zaes, waas se ouch duis, ’t geit veurbie.
Zo is ’t laeve.
MacKat: Ich weit ‘t, Pol: de tied dae vluug veurbie.
MacKat: ’n Dräödje dun wie zie, MacKat en Pol: zo is ’t laeve.
-
Tekst en muziek: Ton Custers
Uit: De Nuuj Baedeleers 2017
-
Zo laef se volges MacKat
MacKat
Wete waat d’r geit gebeure,
zeen wie det de windj zich drejt
Laot de luuj dien waorheid heure,
zorg desse de juuste nejs.
Maak gebroek van dien kontakte,
en citeer de wèt verkeerd.
Gein papiere, gein kontrakte,
waat neet wèt neet deert.
Neet te väöl dich binje, nörges get van vinje.
Aope wunj die sjtinke, neet te väöl aan dinke.
Neet meer euver zeure, nemes wilt ’t heure.
Laot ’t mer gebeure en wach aaf, wach ’t aaf.
Ich wis gaer waat geit gebeure,
mer nemes wilt mien vraoge heure.
Woróm veul ich mich verdomde klein, en allein?
-
Tekst en muziek: Ton Custers
Uit: De Nuuj Baedeleers 2017
-
Zo mer inèns
Doe höbs 'n drökke baan, nao vief oer nag 'n uurke door
Thoes det liek ouch dök zat nag geweun op 'n kantoor
En den inèns dae ómsjlaag 'ne morge effe vrie
Morgevreug den bön ich vas en zeker toch weer hie
Mer 't doerde langer en 't bleek inèns veur good
De draod opnuuj weer opgepak op zeuk nao goje mood
Doe wils nemes dao neet thoes neet in de kaaj laote sjtaon
Mer wèrk en zorge same bleek toch neet vanzelf te gaon
Zo mer inèns den waerd alles anges
en al 't angere det geit geweun mer door
Doe höbs dien werk, dien vrunj en dien verhaole
Mer toch inèns is nieks meer wie 't woor
Wils gaer dae mantjel zin veur dae die wermte neudig haet
Mer wie of waat doe wachs op emes dae 't zaet
Zo mer inèns den waerd alles anges
Zo mer inèns, Zo mer inèns.
-
Ton Custers (zang en gitaar)
Tekst en muziek: Ton Custers
CD: Mantelzorg werkt
2007 Marlstone Music
-
Zónger werk
Doe zoots nag op sjool, wis precies waas se gings doon
Doe zoogs 't veur dich, det wèrke leek dich waal heel sjoon
Mer wie 't zo wiet woor toen ging 't neet door
Kós loupe nao de biejsjtandj, óm klaor te sjtaon mit aope handj.
Doe dachs weer aan waas se toen ‘ns zachs
Wie se toen euver werkeloze dachs
Mit die luuj haaj se gein gedöldj
dae neet wèrk dae is det toch zelf sjöldj
Noe sjteis se zelf dao, kieke dich weer angere nao
't Ergste is nag es se den die dieköp zuus
Die werkeloze besjouwe es van die lestige luus
Gaon den laope mit de wins, laeve dao van wie ‘ne prins
En rope 't bedriefslaeve waerd de zak
Es die sociale oetkeringe neet waere aangepak.
-
Jo Douven (basgitaar en samples)
Ton Custers (zang en gitaar)
Wim Suilen (fluit)
Tekst en muziek: Ton Custers
CD: Wohaer?
April 1983 AC Studio
-