E – Ton Custers

(Peachum)
Ederskeer, ederskeer
Gaon ze neet nao bèd en joetse altied door
Zeuke plezeer, zeuke plezeer
Net es of veur häör ‘n extra wors mit saus gebraoje woor

(Vrouw Peachum)
Det duit die maon baove Soho
Det duit dae verrekte “Veul se mien hert kloppe” teks
Det duit det “wo’s doe ouch haer geis, zal ouch ich haer gaon, Johny”
Es ‘t maonleech weer sjient en ’t ruuk nao sex

(Peachum)
Ederskeer, ederskeer
Doon ze zo mer get op ein of anger plek
Make plezeer, make plezeer
En verekke dan natuurlik inne drek

(Peachum)
Waat duit dan die maon baove Soho
(Vrouw Peachum)
Det duit die maon baove Soho

(Peachum)
Wo blief dan dae verrekte “Veul se mien hert kloppe” teks
(Vrouw Peachum)
Det duit dae verrekte “Veul se mien hert kloppe” teks

(Peachum)
Wo is dan det “wó’s doe ouch haer geis, zal ouch ich haer gaon, Johny”
(Vrouw Peachum)
Det duit det “wó’s doe ouch haer geis, zal ouch ich haer gaon, Johny”

(Peachum)
Es de leefde verdwient en se langzaam verreks
(Vrouw Peachum)
Es ‘t maonleech weer sjient en ’t ruuk nao sex

-
Tekst: Bertold Brecht
Muziek: Kurt Weil
Vertaling: Ton Custers

Uit: De Driesjtuver Opera 2012
-

Po = Polly
Pe = Peachum
VP = Vrouw Peachum

(Po) Is waat ich wil, zo gewaog?
Ins in heel dit triestig laeve, mich aan eine kaerel gaeve.
Is det ech te väöl gevraog, is det ech te väöl gevraog?

(Pe) ’t Rech van miense is zich neet te kwaele,
Óm det hae maar kort laef, en neet allein
Te deile inne lös en inne waelde
Gooj mik te aete kriege en neet ‘ne sjtein.
En daoróm moge miense zich neet kwaele

Ich zègk uch noe maar det ich nooit geheurd höb.
Det get waat good mós zeen det ouch nog waar.
Waem haet neet gaer det toch neet alles fout löp?
Mer de verhajinge die blieve raar.

(VP) Wie gaer waar ich veur dich good!
Alles wól ich dich gaer gaeve, des doe mer get haajs van’t laeve
Want det guf dich goje mood, want det guf dich goje mood.

(Pe) Heel good van hert zeen, jao, waem wilt det neet?
Zien geldj de erme gaeve, leefs nag meer.
Zien riek zól kómme, es geer det ‘s deet
Waem zoot neet gaer in‘t leech van óze Heer?
Gans good van hert zeen, jao waem wilt det neet?

Ich kin uch zo mer op ‘n breefke gaeve
De miens dae geuf nieks, mer duit lever kwaod
Waem wilt d’r neet in vreij en eindrach leave?
Oppe verhajinge, is gein verlaot

(Po & VP) Waat krómp is kals se neet meer rech,
doe höbs geliek, de luuj zeen sjlech.

(Pe) Jao det waat krómp is waerd neet rech,
ich höb geliek, de luuj zeen sjlech.
Waem wilt hie ónger neet ‘n Paradies? Mer de verhajinge,
det waerd nooit nieks
Nae ech, det is en waerd nooit nieks!

Dae broor dae altied bie dich is, es den veur twee ‘t aete mis.
Den sjtamp hae dich in dien gezich.
Vashajend (besjtenjig) zeen, is toch ’n plich?
En den dien vrouw die bie dich is, es die dien leefde effe mis.
Den sjtamp die dich in dien gezich. Jao dankbaar zeen, is toch ’n plich?
En den, dien kiendj, det bie dich is, es det den vindj det ’t get mis.
Den sjtamp det dich in dien gezich. En dankbaar zeen, is toch ‘n plich?

(Po & VP) Jao det is toch waal zunj noe, det leut ouch gein geveul toe.
Doe höbs geliek, de luuj zeen sjlech,
waat krómp is kals se neet meer rech.

(Pe) Jao det waat krómp is waerd neet rech,
ich höb geliek, de luuj zeen sjlech.
Veer ware good en neet zo kwaod, oppe verhajinge is gein verlaot.
Veer ware good en neet zo kwaod, oppe verhajinge is gein verlaot.

(Po & VP) Jao daoróm zit dao nemes mit, en daoróm is hie alles shit!
(Pe) Ich höb geliek, de luuj zeen sjlech,
waat krómp is kals se neet meer rech.
(Po & VP) En det is toch waal zunj noe, det leut ouch gein geveul toe.
En daoróm zit dao nemes mit, en daoróm is toch alles shit.

-
Tekst: Bertold Brecht
Muziek: Kurt Weil
Vertaling: Ton Custers

Uit: De Driesjtuver Opera 2012
-

PDF met tekst en akkoorden
YouTube

Ich woon noe al derteen jaor in Neel en die höbbe 't eerder mitgemaak.
In 59 óm precies te zin, drie jaor naodet ich bön gebaore en gemaak.
Bie Custers Baerke baove, de Mertsjtraot in Zjwame.
Mam oet Beesel, pap oet Zjwame, det ging toen al heel good same.

Nao ‘n jaor verhoes, nao d'n angere kantj vanne Riekswaeg.
De Margrietsjtraot gans achter door, op det lètste sjtökske waeg.
Vlakbie waat noe de Bosrandj hèt en waat toen de bosrandj waas.
Bie 't veldj en de aaj gemeinteloods, dao speelde veur es kinjer de baas.

Ich loup weer door 't Zjame van miene kinjertied,
Heel väöl te loupe, waal de tied mer nooit de waeg ech kwiet.
Geine heimwee gein verlange truuk mer geweun 'n good geveul.
'ne Glimlach, werm van binne, geweun 'n good geveul.

Hóngerd maeter woor ós sjtökske sjtraot
't sjnels geloupe in 14 en 'ne halve tèl.
Gein wereldrecord, mer veur ós toen, achteraaf bezeen, beheurlik sjnel.
Hange oppe sjtraot, bie de luchtepaol of bie Bóntje op dae'n iezere kas.
En Huub van Sjoenmakers heel vol trotst
ziene cassettespeler mit Child in time good vas.

Eers te voot, later mit de fiets
ginge veur op óntdekkingstoch, mien broor en ich same
Sjtruine door de bosse, 't Groenewoud, de Bosberg sjtruine door Zjwame
Veur roke, zoge, veulde en belaefde alles en 't waerde 'n sjök van ós.
En alles waat veur noe wete en dinke, det is toen örges begós.

-
Hay Hutjens (accordeon)
Jo Janssen (basgitaar)
Leo Crombach (gitaar)
Ton Custers (zang en gitaar)

Tekst en muziek: Ton Custers
Arrangement: Aope Deure Band
(2006)
-

PDF met tekst en akkoorden

Petoet:
Nieks is waat ’t liek, wie ich ’t ouch bekiek.
Lucy:
Eder krieg zien deil van ’t leid, ozel ermooj einzaamheid.
Pol:
Bösse oppe foute plaats gebaore, den höbs se bie veurbaat al verlaore.
Mevrouw Horecas:
Es alles óm de cente drejt, waerd ederein genejd.

Jatje:
Dans mer, sjloet mer dien uig en gangk door.
Mevrouw Verraojum:
Roop óm de sjterke handj, vraog óm ’n noodverbandj,
gaef die de sjöldj, die zich ’t sjlechs kènne waere.
Meneer Verraojum:
Dans mer, druim mer van wie ’t ooit woor.
MacKat:
Mer vergaet de sjlechte tied, raak gein illusies kwiet.

Koor:
Sjoet dien uig dans ’n welske,
doot mer net of d’r wiejer nieks is.
Gluif mer det alles good is en dans mer dit welske.
Det waat mót gebeure, det hèls se neet taenge,
geneet dus mer van deze wals.

Dames:
Morge is nag wiet, de haop oppe toekoms is kwiet.
Heren:
Wazig inne kop, ermooj vrit dich op.
Koor:
Wie se ’t ouch bekieks, zeker is d’r nieks.
Haope det ’t sjtop, ermooj vrit dich op.

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden
Spotify

Es ich vraog wie det 't geit zaet 't, 't geit
En den merk ich det 't nieks meer zaet
Ómdet 't zoväöl te vertèlle haet
Es ich den zeen wie 't get ónbeholpe sjteit
Den zjwieg ich eine glimlach
Veur alles waat ich zelf gaer zag

Euver de zón achter de wolke
Euver al waat morge anges is
Euver de daag dae se kèns plökke
Euver waat det 't zo lang gemis

Euver laeve, euver sjlaope
Euver vergaete waat gewaes
Euver druime, euver haope
Euver det, waasse mit eine glimlach zaes

Wäörd zeuke gewaoge nao balans
Sjtil zin duit soms zo väöl meer
Den mótte kalle keer op keer
Veule en genete van 'n kans
Den zjwiege van dae glimlach weer
't Sjtil vertèlle deze keer

-
Hay Hutjens (accordeon)
Jo Janssen (basgitaar)
Leo Crombach (gitaar)
Ton Custers (zang en gitaar)

Tekst en muziek: Ton Custers
Arrangement: Aope Deure Band

CD: Aope Deure
Juni-september 2008 Marlstone Music
-

PDF met tekst en akkoorden
Spotify

Zit se ouch noe allein kieks veur dich oet, dink se aan mich
Vinjs nörges rös veuls dich laeg zo es ich
Dinks truuk aan waat woor, aan waat is en waat mót kómme
Verluus 't vechte taenge ‘n traon en dinks verdomme

Ich haaj van dich, ich veul dien pien
't Los waal nieks op, mer doe mós 't wete
Ich haaj van dich, ich wil veur dich 't bèste
't Leefs 't bèste mit ós twee-e.

Sjtaars get veur dich oet,
kumps toet nieks kèns de sjtilte heure
Vreugs dich aaf wanneer, wanneer geit get gebeure
Waat precies det wètse neet, toch wachs se bös neet bang
Mer es se allein bös doere de oere zo verrekte lang

-
Hay Hutjens (toetsen)
Jo Janssen (basgitaar)
Leo Crombach (gitaar)
Ton Custers (zang)

Tekst en muziek: Ton Custers
Arrangement: Aope Deure Band

CD: Aope Deure
Juni-september 2008 Marlstone Music

Eerder op:
Inruulwaar 1985
-

E

Ederskeer leedje

Eerste Driesjtuver Finale

Ein good geveul

Ermooj troef

Euver aope deure

Euverpienzing