4 liedjes
scroll naar beneden voor de teksten
- Te lang geleje (Aope Deure 2018)
- Time woor money (De Nuuj Baedeleers)
- Traone (Nooit meer allein)
- Tweede Driesjtuver finale (De Driesjtuver Opera)
Te lang geleje
PDF met tekst en akkoorden
Spotify
YouTube
Lang geleje, lang geleje, väöl te lang geleje.
Det ei oppe kop nao 't oetgaon,
de Zjwaan 't Kesjotje, de Hook.
Mit de tent oppe fiets óngerwaeg gaon,
en Remunj woor nag ech kaje kook.
Waat of wo ich zou 't ech neet meer weite,
wèlk terras mit de veut oppe sjteul.
Mer 't geit neet óm ‘t weite, 't geit neet óm feite,
't Geit óm 't goje geveul
Ich wis gaer, veur móste en God waat zou ich gaer,
mer dao woor altied waal get woróm neet.
De agenda, vakanties toch örges anges haer,
det mit det ei oppe kop noe verleerd.
Wie dök neet det ich dag, ich kóm 's zo mer aangewejd,
want 't waerd toch weer 's langzaamaan tied.
Dae tied dae ós zo óngemerk 'n oor haet aangenejd,
mer toch örges de draod nag neet kwiet.
-
Jo Janssen (basgitaar)
Leo Crombach (gitaar)
Luc Jakobs (toetsen)
Ton Custers (zang, gitaar)
Tekst en muziek: Ton Custers
Arrangement: Aope Deure Band
CD: Aope Deure 2018
Mei 2018 Marlstone Music
-
Time woor money
Lucy:
Ich vroog óm get aandach, mer kreeg M.T.V.
En wie ich ging tèlle woor ederein blie
Time det woor money, geveules gezeik
En ich kós ’t doon mit waas doe haajs bereik
Geleerd óm te laeve höb ich oppe sjtraot
En zo ver ich mich herinner woors doe altied kwaod
De zaak en de cente, die sjtónge veurop
En es ich ‘ns get zag, zag se haat doe diene kop
En den hels se diene kop
-
Tekst en muziek: Ton Custers
Uit: De Nuuj Baedeleers 2017
-
Traone
PDF met tekst en akkoorden
Youtube
Druimend veur de lètste keer
‘n vraemp gezich kiek op dich neer.
De handj dae hèls se sjmekend vas,
es lètste mienselik haajvas.
Kieks zeukend in betraonde ouge,
vol wie dich mit zóväöl vraoge.
Fluusters get, waers neet versjtaon,
doe mós de waeg allein noe gaon.
Vallende traone, gaeve dich wermte,
net genóg veur de lètste sjterkte.
En noe veuls se, traone zin 't zelfde,
vol ironie, vloeie ze same verder.
En doe vreugs dich aaf woróm?
En doe vreugs dich aaf veur waem?
't Beeld van toes leut dich neet los,
woos se dachs det dit veur mós.
Woos se alles veur zoojs gaeve,
de waorheid kump te laat toet laeve.
Op 't inj van det van dich,
krieg die ‘n gans nuuj gezich.
't Antjwaord in betraonde ouge,
es eige euver dich gebaoge.
-
Ton Custers (zang, gitaar en samples)
Tekst, muziek en arrangement: Ton Custers
CD: Nooit meer allein
2002 Broddel Produksies
-
Tweede Driesjtuver finale
(Macheath)
Geer luuj, die ós gaer leert, óm braaf te laeve
en zónger zunj en rottigheid te zin
Nou, eers mót g’r ós get te vraete gaeve.
Dan kint g’r kalle: det is ’t begin.
Geer, kiek gaer nao eur pens en nao òs bravigheid.
Ich spraek uch toe in hele klaore taal
Wied geer ‘t altied drejd en geer dae’n ózel leidt
Eers kump ‘t vraete, den kump de Moraal.
Eers mót ’t meugelik zin, veur alle erm luuj,
óm van die mik hie ouch häör deil te sjnieje.
SJTUM: Want wo van laef de miens?
(Macheath)
Want wo van laef de miens
Doordet men altied, de luuj weer treitert, oetkleid, aanvèlt, en op häör pis,
Jao, daodoor laef de miens
hae raak zich zelf kwiet, en hae vergit, det hae ‘ne miens nag is.
(Koor)
Geer Here eure invloed is mer klein
De miens dae laef van rottigheid allein
(Vrouw Peachum)
Geer leert ós, wie ‘n vrouw ’t bes kint laeve
en in eur bèd ‘n ingelke mót zeen.
Mer eers mót geer ós get te vraete gaeve
Dan kint g’r kalle: det is ’t begin.
Geer, die op ós fatsoen en op éur lös vertroewt
Ich spraek uch toe in hele klaore taal
Wied geer ‘t altied drejd en alle ózel boewt
Eers kump ‘t vraete, den kump de Moraal.
Eers mót ’t meugelik zin, veur alle erm luuj,
óm van dae mik hie ouch häör deil te sjnieje.
-
Tekst en muziek: Ton Custers
Uit: De Nuuj Baedeleers 2017
-