M

5 liedjes
scroll naar beneden voor de teksten

- Maak 'm ónzeker en klein (De Nuuj Baedeleers)
- Maak sjpas en plezeer (geneet van 't laeve) (De Nuuj Baedeleers)
- MacKat is mien maedje (De Nuuj Baedeleers)
- Mesjien deze keer ('t Pact van Asselt)
- Morgegezang van Peachum (De Driesjtuver Opera)

PDF met tekst en akkoorden

Mevrouw Verraojum:
Kiek dae neuzele precieze, altied zuver oppe graot.
Mit de vinger blief hae wieze, nump hae ederein de maot.
Zous se dae neet gaer ’s kniepe, zo mer veur de flauwekul.
Veur get ónbenulligs wille griepe, en den kieke waat d’r zaet, dae sul.

Twitter, Facebook, leeg de waorheid mer bie ein.
Laot ‘m lieje, laot ‘m zjweite, zit ‘m op ’t foute bein.
Wies op nooit gemaakte foute, neet de res mer hae allein.
Maak die wiesnaas, ónzeker en klein.

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden

Meneer Verraojum:
Vergaet die sjtóm karnalie en gangk eindelijk ’s laeve

Geneet van ’t laeve, net wie ome Sjef
Maak sjpas, plezeer, gangk wie ’n bees te keer
Waat kèn die dich gaeve, es ich ’t good besef
Get sjpas, plezeer, mer verder neet väöl meer

Vergaet dus die karnalie en gangk eindelijk ’s laeve

Dao zin van die momente wo se graof mós zin en fel
Höb sjpas, höb plezeer, bön ‘ne kaerel deze keer
Ós eer en ouch ós cente, doe zits alles op ’t sjpel
Mit sjpas en plezeer, kiek die noe op ós neer

Vergaet noe die karnalie en gangk eindelijk ’s laeve

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden

Pol
Haat dien henj mer veur de ore, doot dien memeluig mer toe
Laot dien druime dich mer vore, ich laef lever in ’t hie en noe

Lucy
Doe höbs ooit van mich gehaje, get geknoeveld nooit verwend
Ich höb ein dink good ónthaje, doe woors geine echte vent

Pol en Lucy
MacKat det is mien maedje, mien alles, mien gelök
Ich gaef dich op ’n blaedje, es ich häör bleumke plök
Den sjpint die heel tevreje, den geit die oere door
Mer waat kèns doe häör beje, doe vies verlepte hoor

Koor
Heur die twee, heur ze sjandale, det is toch neet normaal
Waem ’t gelag noe mót betale, is ’n kwestie van moraal

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden
Spotify

Kiek dao is d’r,
nag effe en den bön ich zien vrouw, wie men ‘t wou
Jao zo geit det, neet alles löp zo wie men dich zag
Of wie se haajs verwach
Ich zou lever ech oet leefde wille trouwe
En neet wie noe es sjpeelke van de mach
Toch wil ich aan dae nuje toekoms noe gaon bouwe
Dus vergaet ich en doon net es of ich lach

Mer vergaeve is get is get anges es vergaete
‘ne Glimlach is get anges es plezeer
Doe veuls nag altied wo de angel haet gezaete
En haops det ’t neet geit wie eders keer
Eders keer desse vertrouwe höbs verlaore
Eders keer det dich de rök waerd toegekeerd
Bie eder nuuj begin waerd nuje haop gebaore
En höbs se van det waat gebeurde weer geleerd

Mesjien deze keer, mesjien det deze keer
Mesjien det deze keer alles anges waerd
Mesjien deze keer, mesjien det deze keer
Mesjien det deze keer ech alles anges waerd

Ich wól net zo wie mien vader ouch de echte leefde vinje
ouch al brach ‘m det ’n laeve vol verdreet
Zien leefde die de kèrk neet in de ech haet wille binje
En ederein ‘m veur die leefde toen verleet

Kiek dao is d’r, nag effe en den bön ich zien vrouw,
Jao zo geit det, alles löp zo wie men ‘t wou

-
Mella Klaessen (zang)
Orkest Noormannenschouwspel

Tekst, muziek en arrangement: Ton Custers

CD: 't Pact van Asselt
2015 Marlstone Music
-

Limburgstalige liedjes
't   1-9    A    B    C    D    E    F    G    H    I    K    L    M    N    O    P    R    S    T    V    W    Z

Nederlands/Frans/Latijn