5 liedjes
scroll naar beneden voor de teksten
- Neet genóg tied (Aope Deure)
- Neet zeike (Wohaer?)
- Net wie toen (De Nuuj Baedeleers)
- Net zo eerlik (De Nuuj Baedeleers)
- Nooit meer allein (Nooit meer allein)
Neet genóg tied
PDF met tekst en akkoorden
Spotify
Wie 't zandj door ‘ne luiper, wie 't tikke oppe wandj
wie de wiezer van de zón wies alles langzaam eine kantj
en doe driefs mer langzaam verder vertraogs mer mós toch door
want de sjtruiming bliek toch sjterker den de wil det ooit 'ns woor
En de haop blief det d'r tied genóg nag is
óm te zègke waat nag te zègke is
Zeuks 'n antjwaord, veur ederein dae vreug
bös te laeve nag neet meug
En doe veuls waal wo 't haer geit en vermoets wie 't zal gaon
mer es 't effe ging zous se gaer de tied sjtil laote sjtaon
wóls 't volgend jaor weer vlege wie de veugel óngerwaeg
en nag zóväöl druime druime mer 't veult inèns zo laeg
En de haop blief det d'r tied genóg nag is
óm te veule waas se noe al mis
Zeuks 'n antjwaord, waat woróm wanneer
en de klok sjleit veur de allerlètste keer
-
Hay Hutjens (accordeon)
Jo Janssen (basgitaar)
Leo Crombach (gitaar)
Ton Custers (zang en gitaar)
Tekst en muziek: Ton Custers
Arrangement: Aope Deure Band
CD: Aope Deure
Juni-september 2008 Marlstone Music
-
Neet zeike
Man lik noe toch neet te zeike
waat wil se dao noe mit bereike
det höbbe veur al lang veur uch besjlis
Haat diene grote móndj eins
ich weit waal des se det neet good kèns
mer zo maak se anger luuj mer óngerös
Doe zaes veur doon 't veur 't geldj
mer det daegene zich eins meldj
dae veur geldj neet ech alles zou doon
geldj was alle rotte plekke sjoon
Doe zaes waat fout is kalt geur good
dachs doe det emes dao mit zoot
is neet ederein 't meis tevree
zónger kopzorg Tros oppe T.V.
-
Huub Custers (gitaar)
Jo Douven (basgitaar elektrische gitaar en samples)
Ton Custers (zang en gitaar)
Tekst en muziek: Ton Custers
CD: Wohaer?
April 1983 AC Studio
-
Net wie toen
Mevrouw Verraojum
Ach leve sjat, ich höb ’t ech mit dich gehad.
Veur gein teen miljoen, wil ich nag ’s net wie toen.
Ach doe leve sjat, waat veur ooit höbbe gehad.
Dae klote tied, zin v’r noe gelökkig kwiet
Petoet
Ach doe leve sjat, waat veur ooit höbbe gehad.
Dae sjone tied, zin v’r erg genóg noe kwiet
Mevrouw Verraojum
Doe veur pampes oppe bank, ich van d’n ozel aan de drank.
Oet vervaeling sjpeelde ich de hoor.
En ich weit waas se dachs, det is ein die op mich wach.
Wie ich ging haaj se gaar nieks door.
Petoet
Ich höb altied gedach, det is ein die op mich wach.
Wie se gings haaj ich gaar nieks door.
Mevrouw Verraojum
Nae nooit meer, ech nooit meer, nooit, nooit meer, net wie toen.
Doe druims weer, doe haops weer, ich walg weer, net wie toen.
Petoet
Ich druim weer, ich haop weer, ich veul weer, net wie toen.
’t Haaj zo sjoon kènne zin, ’t haaj zo sjoon kènne zin,
zo sjoon, zo sjoon, ’t haaj gekós.
(Gespraoke teks mevrouw Verraojum: Noe sjei gauw oet man,
det höb ich dich ouch al taenge ’n anger vrouwmes heure zègke)
Vraog mer waas se wils van mich, alles zal ich doon veur dich.
Wie ’n huundje aafgerich, net wie toen.
Doe en ich opnuuj bie ein, die vriendinne en dien bein.
Mevrouw Verraojum: Doe en ich opnuuj bie ein,
doe weer zoepe ich allein.
Petoet en Mevrouw Verraojum: Net wie toen.
-
Tekst en muziek: Ton Custers
Uit: De Nuuj Baedeleers 2017
-
Net zo eerlik
Mevrouw Verraojum:
Es ederein gluif waat d’r leus, en nemes meer kiek wie ’t zit.
Den blief toch gein inkele keus, en mót ich es zakevrouw mit.
En den roop ich waem nump mich de maot?
Waem is nooit veur de cente gezjwich?
De politcus en advokaot, die zin net zo eerlik es mich.
Koor:
Zin net zo óneerlik es dich.
Dae dae de waorheid sjprik, is nooit ’t meis gesjik.
Eerlik, geveerlik.
Loup inne pas mer mit, nemes dae dao mit zit.
Eerlikheid, det is sjómmigheid
Jatje:
Es ederein gluif waas se zaes, en nemes meer wèt wie ’t zit.
Wils haje, det waas se noe haes, den mós se es zakevrouw mit.
Mevrouw Verraojum:
Nae gein miens, wèt wie ’t ech zit.
Jao, es zakevrouw mót ich waal mit.
Jatje:
Zolang nemes get zaet geis se door, anges sjpiet men dich rech in ’t gezich.
En de ambtenaer hoor en pesjtoor,
Die zin net zo eerlik es dich
Mevrouw Verraojum:
Zolang nemes get zaet gaon ich door,
Anges sjpiet men mich rech in ’t gezich, of de móndj.
Kiek mer ’s róndj, die zin net zo eerlik es mich.
Koor:
Zin net zo óneerlik es dich
-
Tekst: Ton Custers
Muziek: Johann Christoph Pepusch
Uit: De Nuuj Baedeleers 2017
-
Nooit meer allein
Dae sjnee die zón, 't toeval wón, nag net op tied besjlis.
Gevónje waat neet ech gezóch, mer blie mit waat d'r is.
Veurzichtig zègke waas se woors en wae se noe hie bös.
Weg gaon óm bie ein te kómme, eindelik die rös.
De nach goof leeg, de lóch vol kleure,
de zee die zoog waat mós gebeure.
't Toeval woor gein toeval meer
en langzaam kwoom dae fakkel weer.
Waat woor waat is waat ooit gemis,kump langzaam noe bie ein.
De druime van waat kómme geit, nooit druime meer allein
Nooit meer allein, nooit meer allein.
Zo wie 't ging, zo mós 't gaon 'n bietje waerde meer,
en röstig wachte op waat kwoom wachte op wanneer.
Vraoge waat d'r kómme ging wie alles noe zou gaon.
Toet dae daag det alles good woor, vuurwerk róndj de maon
-
Maril Snijders (zang)
Ton Custers (zang en samples)
Tekst, muziek en arrangement: Ton Custers
CD: Nooit meer allein
2002 Broddel Produksies
-