’t

7 liedjes
scroll naar beneden voor de teksten

- 't Broelofsleedje veur de erm luuj (De Driesjtuver Opera)
- 't Drejt óm geldj en óm seks (De Nuuj Baedeleers)
- 't Haaj zo sjoon kènne zin ('t Pact van Asselt)
- 't Is en waert nieks mit de miens (De Driesjtuver Opera)
- 't Laeve van de zakeman geit neet euver roze (De Nuuj Baedeleers)
- 't Pact van Asselt ('t Pact van Asselt)
- 't Zou toch baeter gaon (Wiejer Kieke)

Bill Lawgen en Mary Syer waerde goonsdig aovend man en vrouw
Lang zólle ze laeve, lang, lang, lang!
Wie zie klaor sjtónge veur d’n amteneer
wis zie ech ziene lètste naam neet meer
En ‘t wit van häör kleid det leek opèns zo grouw. Lang

Want wèt geer waat eur vrouw duit noe? Nae
En haad geer noe ech eur sjreursgaat* toe? Nae

Billy Lawgen, zag nag taenge mich
Ich hoof mer ein klein sjtökske van det wich
Det zjwein. Lang

-
Tekst: Bertold Brecht
Muziek: Kurt Weil
Vertaling: Ton Custers

Uit: De Driesjtuver Opera 2012
-

PDF met tekst en akkoorden

MacKat
Doe leers op sjool van Plato en Kant,
mer is dae ónzin ech relevant.
’t Laeve det is minder complex,
’t drejt óm geldj en óm seks.

De wieze zeuk ’t grote verbandj,
mer is mich väöls te zjwaor oppe handj.
’t Geit geweun óm geldj en seks,
en des se zelf neet verreks.

’t Laeve det is väöls te kort,
óm oet te zeuke waat d’r aan sjort.
Dus laef dich oet, en gank te keer,
blief altied vraoge óm meer.

De beuk, de kèrk, ’t hoge gezag,
de wiesheid höbbe die neet in pach.
’t Geit óm seks, ’t geit óm geldj,
mer det waerd nörges vermeldj.

Vergaet dus Plato, en vergaet Kant,
die twee die zin neet ech relevant.
’t Laeve det is ech neet complex,
‘t drejt óm geldj en óm seks.

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden
Spotify
YouTube

G = Gorm
R = Reinhilde

(G) Woróm mót alles zo weer gaon?
Woróm kèn de tied geweun neet sjtil blieve sjtaon?
Ich wis det dit zou kómme, haaj ’t neet zo sjnel verwach.
Get sjoons pas net begónne, aan ’n anger inj gedach.

Wie ich hie kwoom wól ich nieks lever es opnuuj weer truuk nao hoes
mer noe hie mit dich, veult dit al meer es thoes.
Det pact van Asselt moog veur ederein ’t bèste zin,
veur ós is ‘t ’t inj van ’n sjoon en good begin.

(G+R) ’t Haaj zo sjoon kènne zin, ’t haaj zo sjoon kènne zin
Zo sjoon, zo sjoon, ’t haaj gekós
’t Haaj zo sjoon kènne zin, ’t haaj zo sjoon kènne zin
Zo sjoon, zo sjoon, ’t haaj gekós

(R) Woróm mót alles zo weer gaon?
Woróm kèn de tied neet sjtil blieve sjtaon?
Ich wis det dit zou kómme, haaj ’t neet zo sjnel verwach.
Get sjoons pas net begónne, aan ’n anger inj gedach.

Die twee jaor zin veurbie gevlaoge, haop woor weer opnuuj gebaore
Euver blieve zóväöl vraoge, wórom ouch weer noe verlaore.
Det pact van Asselt moog veur ederein ’t bèste zin,
veur ós is ‘t ’t inj van ’n good en sjoon begin.

(R) Want same kènne veur allein mer in ós druime zin
’t hie en noe det is zo wie ’t is
(G+R) De druime die vertèlle van ‘n sjoon en nuuj begin
Zo sjoon, zo sjoon, ’t haaj gekós

-
Joep Willems (zang)
Mieke Slabbers (zang)
Orkest en koor Noormannenschouwspel

Tekst, muziek en arrangement: Ton Custers

CD: 't Pact van Asselt
2015 Marlstone Music
-

PDF met tekst en akkoorden

(Peachum)
De miens laef mit de kop, dae kop guf dök neet thoes
Probeer ‘t ‘ns, van diene kop, laef heugstes mer ‘n loes.
Want óm good te leave, is de miens neet sjlum genóg
’t Is ‘m óm ‘t aeve , want ‘t blief toch bóch

Jao, maak noe mer ‘n plan, en sjpeel de sjlumme heer
En maak den nag ‘n tweede plan, gaon duit ‘t geine keer
Want veur dit saort leave, is de miens neet sjlech genóg
Ooit get sjoons belaeve, es hae det ’s móg.

Jao zeuk mer nao gelök, mer zeuk neet al te lang.
Want edere gek zeuk nao gelök, det hèlt ‘m inne tang.
Want veur dit saort leave, is de miens neet aafwachtend genóg
Waat d’r dich kint gaeve, is gebakke lóch

De miens dae douch veur nieks, dus wie se ’t ouch bekieks.
En of se sjleis of röstig bliefs, ‘t is en waerd toch nieks
Want óm get te lere, is zien laeve väöl te laeg
Nieks óm get te ere, gaef ‘m dus mer sjlaeg

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden

Petoet
Waas se veur die jónge toch neet allemaol mós doon.
En waat kries se truuk? Get gememel, get gehoon.
Doe gufs, duis alles, tèls ’s eers toet teen.
Mer zie laote dich keer op keer de middelvinger zeen.

En tösse door mót ouch de zaak nag blieve loupe.
Mós continu dichzelf en waas se duus opnuuj verkoupe.
’t Laeve vanne zakeman det geit ech neet euver roze.
Want veur se ’t wèts duit zelfs de troewste klantj dich loze.

Waat mós se noe es kleine óngernummer in dit landj.
De banke, de regering, pakke de grote bie de handj.
Zie sjpele gaer ’t sjpeel van alles vrie en alles blie.
Mer es d’r get te vange vèlt den sjtaon ze veuraan in de rie.

Dus doot waas se kèns doon, trèk det vrouwmès ‘ne poot oet.
Lok häör oet de kas en deil den zelf de eerste sjtoot oet.
Veur kènne ’t gebroeke, doot noe ’s eindelijk get truuk.
En haat dich noe in Godsnaam ‘ns eindelik keduuk.

Gesjpraoke: Haaj ich mer ’n vak geleerd.

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden
Spotify

G = Godfried
L = Liutward

(G) Ruuk se de lieke? Zuus se de hónger?
Veul se ze kieke? Wie haje veur ze drónger?
Ich zeen ’t ónheil loere. Wie lang mót ’t nag doere?
’t Bäöke inne nach. ’t Wieke van ós mach.

(L) Die sjtinkende lieke? Dae tergende hónger?
Ich zeen ze waal kieke? Wie haje veur ze drónger?
En kiek ‘t ónheil loere. Wie lang mót ’t nag doere?
’t Bäöke inne nach. ’t Wieke van ós mach.

(G+L) Mer ich weit det es ’t mót det veur nag waeke kènne vechte
en doorgaon toet de sjtried gewónne is
Ich dink zelfs det det mót ómdet veur vechte veur ós rechte
dus doorgaon toet de sjtried in ós veurdeil is besjlis

(G) ’t Mót gedaon zin (L) ’t Mót gedaon zin

(G) Noe sjtèl det ich zou zègke, ich zèk sjtèl. det ’t good is gewaes
Ich zou mien luuj get oet mótte lègke, vertèl mich ’s
waas doe mich den te beje haes
Noe sjtèl det ich zou zègke, ich zègk ’t mer eine keer
Det ich zou ophaje mit vechte.
Det ich zou aafzeen van mien rechte, en gein geplunder meer.

(L) Sjtèl des doe zous zègke, det ’t good is gewaes
Doe zous dien luuj get oet mótte lègke?
Natuurlik sjnap ich waas se zaes
En sjtèl det ich ouch zou zègke, ich zègk ’t mer eine keer
Det ich zou ophaje mit vechte
Det ich zou aafzeen van mien rechte En gein gedónder meer.

(G+L) Want veur wete es ‘t mós det veur nag waeke kóste vechte
en doorgaon toet de sjtried gewónne woor
Jao veur dinke det ’t kós, mer laot ós noe de sjtried besjlechte
Zo det de sjtried in ós veurdeil waerd besjlis

(Gesjpraoke teks van Liutward)
Doe zous ’t opperbevel euver Frisia kriege
en goedere in Kennemerlandj
En de dochter van Lotharius de 2e, Gisela,
ich beej dich häöre handj
Dien naef krieg 2000 pondj zilver en goud
en nemes kalt meer euver good of fout.
Mer doe zous waal geduip mótte waere
en ’t geweld mótte aafzjwaere

(L) Aafgesjpraoke? (G) Aafgesjpraoke!

-
Ciaran van Dillen (zang)
Jack Joosten (zang)
Orkest en koor Noormannenschouwspel

Tekst, muziek en arrangement: Ton Custers

CD: 't Pact van Asselt
2015 Marlstone Music
-

Limburgstalige liedjes
't   1-9    A    B    C    D    E    F    G    H    I    K    L    M    N    O    P    R    S    T    V    W    Z

Nederlands/Frans/Latijn