S

9 liedjes
scroll naar beneden voor de teksten

- Salomonsong (De Driesjtuver Opera)
- Same (Wohaer?)
- Same mit dich ('t Pact van Asselt)
- Sjalloezie duet (De Driesjtuver Opera)
- Sjloet dien uit dans 'n welske (De Nuuj Baedeleers)
- Sjpele ver van hoes (Wiejer Kieke, Aope Deure)
- Sjreew oet 't graaf (De Driesjtuver Opera)
- Sjtap veur sjtap (Aope Deure)
- Sjtil verdrinke (Wiejer Kieke)

Jenny
Geer zoog de wieze Salomo, en keek nao zien geplaar!
Dae man dae alles heel good wis
en dae vlookde ómdet d’r gebaore waar.
Hae zoog det alles greutsheid is,
jao Salomo waar groot en wies!
Mer kiek, ‘t waar nach neet ’s nach,
toen veel dae wieze man heel vies.
De wiesheid haaj ‘m al det leid gebrach
Es die óntbrik, God zaegen dich.

Geer zoog de sjone Kleopatra, wie Caesar waar vermoord,
toen heel Antonius häör vas.
Toch haet ze zich de dood in gehoord
en kwiende weg, en waerde as.
Ouch Babylon waar wónjersjoon.
En kiek, ‘t waar nach neet ‘s nach
De teikes aan de wandj es loon.
De sjoonheid haaj häör al det leid gebrach
Es die óntbrik, God zaegen dich.

Ouch Caesar sjrók veur nemes truuk, g’r wèt wie ‘t ‘m ging.
Hae zoot es God op‘ne altaor
mer hae ging toen toch nag euver de kling.
Mit laeve waar hae nag neet klaor,
hae sjreewde toen: “Brutus, ouch doe!
En kiek, ‘t waar nach neet ’s nach,
deej hae veurgood zien ouge toe.
‘t Dörve haet ‘m al det leid gebrach.
Es det óntbrik, God zaegen dich.

En noe zeet g’r Macheath en mich, God wèt, waat ós det leert.
De passie waar zo groot en sjterk,
mer örges ging d’r get verkeerd.
Get haet ós richting galg gewèrk,
det hèt den ós verdeende loon.
En kiek, ‘t waar nach neet ’s nach,
de beul dae wèt al waat te doon.
De leefdeslös haet ós det leid gebrach
Es die óntbrik, God zaegen dich.

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden

Hae, hae woor de baas en zie nou zie det woor zien vrouw
zie zoot dao mer zien vrouw te zin es eine hóndj zo trouw
Hae reep hie den woor ze d'r, 't aete klaor de was gedaon
't hoes gepoets de kinjer sjoon kóm laot ós mer nao bèd toe gaon

Es hae den klaor woor en hae sjleep den jankte zie ‘n sjtök
begós den weer te druime van ‘n laeve vol gelök
Zo sjleep zie eedre aovendj in begós de daag mit taengezin
zie woor gebónje aan ‘t hoes det woor al zo vanaaf ‘t begin

Wakker waerde zie dae morge mit ‘ne kriebel inne maag
zie wis precies waat zou gebeure dit waerde häöre daag
Toen hae reep óm 't aete zag zie sjtik haol 't mer zelf
zie ging toen door mit kalle toet ‘n oer of hallef twelf

Hae keek heel verwónjerd wis neet waat 'm euverkwoom
mer hae vónj det zie geliek haaj en det d'r get mós doon
Wèrke ging hae neet dae daag hae bleef ‘ns bie zien vrouw
hae euverdach häör laeve ‘ns en leep toen euver van berouw.

Same sjtaon ze op noe 'sjmorges make 't aete klaor
wasse same aaf en sjtrieke zich same door de haor
Same gaon ze wèrke same verdene ze 't geldj
en 's ónjessjmiddes loupe ze noe same door 't veldj

En es se 's aoves klaor zin kroepe ze lekker dun bie ein
es zie den nach wakker ligk is ze neet meer zo allein
Zo geit det eedre daag noe door zie sjtraole van gelök
en kaok zie 't aete, nou den sjtop hae sjnel de zök.

-
Jo Douven (basgitaar en samples)
Petra Bruynen (zang)
Ton Custers (zang en gitaar)
Wim Suilen (fluit)

Tekst en muziek: Ton Custers

CD: Wohaer?
April 1983 AC Studio
-

PDF met tekst en akkoorden
Spotify
YouTube

Gorm = G
Reinhilde = R

(G) Wie ’t wiejer mót, waat ich doon mót?
Ich kèn ’t neet verklaore, mer ’t veult noe al es verlaore
’t Kènt toch neet, ’t zal toch neet?
Wil ich ech waal heure, waat d’r zou kènne gebeure?

Vanaaf det ich de eerste keer dae glimlach en die ouge zoog
Bön ich verlaore en verdrónke tegeliek
Ich wól gaer vraoge wie of waat, en wete of ‘t moog
Mer wäörd verdwiene es ich nao dich kiek

(G+R) Want same kènne veur allein mer in ós druime zin
’t hie en noe det is zo wiet ’t is
De druime die vertèlle van ‘n sjoon en nuuj begin
En zègke waat ich allemaol al mis

Ich kèn hóngerddoezjend raejes gaeve woróm neet
Woróm neet same mit dich.
Toch zou ich gaer wie in mien druime laeve wie zo neet
Wie zo neet, same mit dich? same mit dich?

(R) Waat mich noe gebeurt, wie ‘t is gebeurt?
Ich kèn ’t neet verklaore, mer ich höb mich zelf verlaore
Waat ich zègke wil, waat ich haope wil?
Ich zou gaer wille heure, waat d’r zou kènne gebeure?

Vanaaf det ich de eerste keer dae glimlach en die ouge zoog
Bön ich verlaore en verdrónke tegeliek
Ich wól gaer wete wie of waat, en of ‘t ouch waal moog
Mer woróm bliefse zjwiege es ich nao dich kiek

(Ludolf) Heimwee nao de toekoms dae ich noe vergaete kan
‘ne toekoms wo ‘n sjtökske weggelag woor veur ós twee
Heimwee nao de toekoms dae ich noe vergaete zal
't druime det is noe veurbie euver blief 't noe en hie
Waat gebeurde noom de toekoms mit veur ós twee

-
Joep Willems (zang)
Mieke Slabbers (zang)
Sjors Joosten (zang)
Orkest Noormannenschouwspel

Tekst, muziek en arrangement: Ton Custers

CD: 't Pact van Asselt
2015 Marlstone Music
-

L = Lucy
P = Polly

( L) Kóm ’s hie, doe beauty van Soho,
Laot mich ‘ns die bein van dich bekieke
Ich wil toch ouch waal ’s ech genete,
Want op dich wilt ederein toch lieke
Men zaet hie det miene Mac, door dich noe ziene kop mis
(P) Zaet men det? Zaet men det?
( L) Ich lach mich rot es doe gluifs det det waor is.
(P) Mós se det? Mós se det?
( L) Ha, ich lach mich ech kepot.
(P) Zo, doe lachs dich dus kepot?
( L) Es of Mac van dich get mót!
(P) Es of Mac van mich get mót?
( L) Ha ha ha ha ha! Mit zo emes, det wilt toch zo wie zo nemes.
(P) Nou, det zólle veer ‘s zeen!
( L) Jao, det zólle veer ’s zeen!
(P) Nou, det zólle veer ‘s zeen!
( L) Jao, det zólle veer ‘s zeen! Ha ha ha ha ha ha ha ha ha ha.

(Lucy & Polly)
Mackie en ich, veer tortelde wie doeve
Hae hèlt van mich, veur dich de zoere droeve.
Noe mót ich toch zo vrie zeen
Det kint toch neer veurbie zeen.
Es dao zo’n trut zich aandeent
Belachelik

(P) Zo, men nump mich beauty van Soho.
En men wilt, die bein van mich bekieke
( L) Dinks se det?
(P) Men wilt toch ouch waal ’s ech genete,
Want op mich wilt ederein toch lieke
( L) Doe mèshuipke
(P) Zelf ‘n mèshuipke
Men zaet dus det miene man, door mich noe ziene kop mis
( L) Is det zo? Is det zo?
(P) Ich lach mich rot ómdet det zeker waor is.
( L) Mós se det? Mós se det?
(P) Ha, ich lach mich ech kepot?
( L) Zo, doe lachs dich dus kepot?
(P) Es of Mac van dich get mót!
( L) Es of Mac van mich get mót?
(P) Dink geer det neet ouch: Mit zo emes, det wilt toch zo wie zo nemes?
( L) Nou, det zólle veer ‘s zeen!
(P) Jao, det zólle veer ’s zeen!
( L) Nou, det zólle veer ‘s zeen!
(P) Jao, det zólle veer ‘s zeen! Ha ha ha ha ha ha ha ha ha ha.

(Lucy & Polly)
Mackie en ich, veer tortelde wie doeve
Hae hèlt van mich, veur dich de zoere droeve.
Noe mót ich toch zo vrie zeen
Det kint toch neer veurbie zeen.
Es zo’n tomaat zich aandeent
Belachelik

-
Tekst: Bertold Brecht
Muziek: Kurt Weil
Vertaling: Ton Custers

Uit: De Driesjtuver Opera 2012
-

PDF met tekst en akkoorden

Koor
Sjloet dien uig dans ’n welske.
Doot mer net of d’r wiejer nieks is
Gluif mer det alles good is,
En dans mer dit welske.
Noe gluif ‘t mer, gluif in dit welske

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden
Spotify
YouTube

Ze tèlle weer toet teen, waem neet weg is is gezeen
en 't liek of 't 't zelfde klink
effe tèlle weer toen teen, effe sjtil en nieks meer zeen
en 't liek of zelfs de zón weer blink

Dae boum dae kènse truuk van wie se meug in ziene sjeem ‘ns zoots
en dich dien bótram oots
wie se vreuger wie se klein woors hoog ‘ns baove inne kruun den zoots
en alle tied vergoots

Doe haops nag op waat woor, mer höbs óngertösse door
det waat d'r kump gein morge haet
sjtreeps langsaam aaf waat woor, kèns noe allein mer door
en wachs op waat 't nuuts weer zaet

De beelde zjwumme in dien ouge
en doe paks dich diene zakdook weer, zo es wie eedre keer
doe zits nag lang te sjtare,
ouch al zuus se gaar gein beelde meer, en heurs de kinjer weer

-
Hay Hutjens (accordeon)
Jo Janssen (basgitaar)
Leo Crombach (gitaar)
Ton Custers (zang en gitaar)

Tekst en muziek: Ton Custers
Arrangement: Aope Deure Band

CD: Aope Deure
Juni-september 2008 Marlstone Music

Eerder op:
Wiejer Kieke 1997
-

Macheath
Noe heur die sjtum ‘ns, die óm mitliej reup.
Macheath dae hie noe op zien noodlot wach
’t Is in ’n aope graaf wo hae in sjleup,
dit is wo det ‘m zien besjtumming brach.
Wo hae noe zit is alles diek ómmoert,
God gaef, det geer noe heurt waat hae nag reup.
Vraog geer uch ech neet, wo, wiezo en wie?
Is d’r gesjtorve, gangk den aanne zeup,
zo lang, es hae nag laef, sjtangk ‘m den bie.
Wilt geer soms det zien lieje ewig doert?

Noe kóm en kiek wie sjlech ’t mit ‘m geit,
noe is d’r ech det, det waat men keps nump.
Geldj is de insigste autoriteit,
wo men bie uch nag örges mit kump.
Kiek det hae uch neet ouch ‘t graaf in vloert.
De keuningin die sjteit al op uch te wachte,
kal mit häör euver ‘m, det zeet g’r verplich
wie verkes in ‘n rie die men geit sjlachte:
kiek noe zien sjnietenj sjtaon in zien gezich.
Wilt geer soms det zien lieje ewig doert?

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden
Spotify
YouTube

Langzaam sjloop de wiezer nao dao wo hae noe op sjteit.
't Geit zo óngemerk ómdet det sjtap veur sjtap mer geit.
't Liek waal net es toen mer noe de rökzak neet meer laeg.
Al die sjtepkes opgetèld die blieke eine waeg.

Net es toen gedreve, soms get meer genuanceerd.
Van alles waat ooit taenge zoot, toch nag get geleerd.
Dinks noe net get dökker det höb ich al gezeen.
Druime zin gebleve, tèls get eder eers toet teen.

Keeks nao die de waeg bepaalde wie men noe kiek nao dich.
Net wie die die toen bepaalde de eerste rumpels in 't gezich.
Mit pap en mam de waereld in die wiste wélke kantj.
Noe bösse zelf dae pap en hèls dien druime bie de handj.

-
Hay Hutjens (toetsen)
Joep Servais (samples)
Ton Custers (zang)

Tekst en muziek: Ton Custers
Arrangement: Aope Deure Band

CD: Aope Deure
Juni-september 2008 Marlstone Music
-

Limburgstalige liedjes
't   1-9    A    B    C    D    E    F    G    H    I    K    L    M    N    O    P    R    S    T    V    W    Z

Nederlands/Frans/Latijn