4 liedjes
scroll naar beneden voor de teksten
- Heimwee nao de toekoms (Wohaer?)
- Help mich (Wohaer?)
- Heur ze 's sjpraeke (De Nuuj Baedeleers)
- Hóngerddoezjend vraoge (Inruulwaar)
Heimwee nao de toekoms
Heimwee nao de toekoms dae ich noe vergaete kan
‘ne toekoms wo ‘n sjtökske weg gelag woor veur ós twee
Heimwee nao de toekoms dae ich noe vergaete zal
't druime det is noe veurbie, euver blief 't noe en hie
Waat gebeurde noom de toekoms mit veur ós twee.
Lang höb ich get róndjgeloupe, drejde om dich róndj
Sjtapte ouch ‘ns nao dich toe mer heel toen miene móndj
Begós mich al get in te beelde, zoog al veur mich wie 't woor
Mer 't wore druime, ich haaj de werkelijkheid neet door
Toch wól ich 't zeker wete, 't kós zo ech neet langer meer
Ich mós en zou get zègke ich wis allein nag neet wanneer
ich hakte toen de knoup door en ich belde dich toen op
Doe nooms zelf de telefoon toen op.
Ich zag hallou mit Ton, doe wis toen drek al waem ich woor
veur sjproke aaf veur 's aoves en ich haaj nag sjteeds nieks door
Ich dach noe det ich zeker wis des doe get zoogs in mich
net zo wie ich ouch get zoog in dich
't Bleek det alles anges loog, doe heels de boot toch aaf
Doe zags doe kós mich neet genóg. Noe kómme vraoge achteraaf
Mer haop höb ich neet meer, ich weit 't is veurbie
Mer die druime blieve mich nag altied bie.
-
Jo Douven (basgitaar, orgel en samples)
Ton Custers (zang en gitaar)
Tekst en muziek: Ton Custers
CD: Wohaer?
April 1983 AC Studio
-
Help mich
Proficiat, 't is dich weer gelök,
dien beeld det sjpook weer róndj in miene kop.
Dao gaon veur weer, de sjieterigheid kump trök,
gaon al weer te laat nao bèd en 'sjmorges te vreug op
Ich dink des doe dao net zo min blie mit bös es mich,
want wie se 't ouch bekieks.
Of 't allein van mich oet kump of ouch ‘n sjtök van dich,
zo leidt dit weer toet nieks.
Den help mich godverdomme es se ech get van mich wils,
want ich bön noe weer dae sjieterd
dae se van 't begin nag kèns.
Kóm mer den veur meer, of anges den taai aaf
Want zo kóm ich van det sjtóm geveul neet meer aaf.
Hiej zit ich den, weit weer geine raod.
Wie se dich gedreugs det maak mich dol.
Zaes neet nae mer zaes zeker ouch neet jao,
door waas se sugereers sjleit miene kop op hol.
Mer es se werkelik zous wille det ich bleef,
den zit dae eerste sjtap.
Wach neet op mich want ich kóm bie zó'n zake neet op dreef,
ich bön drek toegeklap.
-
Jo Douven (basgitaar)
Ton Custers (zang en gitaar)
Tekst en muziek: Ton Custers
CD: Wohaer?
April 1983 AC Studio
-
Heur ze ’s sjpraeke
PDF met tekst en akkoorden
Spotify
YouTube
(Koor) Nujer, baeter, netter, sjoner,
ruiger, wiejer, vechter, hoger,
duurder, fitter, rieker, feller,
leuker, glitter, super, sjneller, groter.
(Mevrouw Horecas) Heur ze ‘s sjpraeke,
es of ’t laeve häör get brink.
Meer gedruimp es ooit gehad.
Heur ze ’s sjpraeke,
’t is neet alles goud waat blink.
De ermste klootzek van de sjtad.
Heur ze ’s praeke, mer zelf de zaege nooit gehad.
Allein mer wèrke wie ’n paerd.
Heur ze ’s sjpraeke, en dalik alles oppe lat.
En mer haope det ’t baeter waerd.
(Koor) Ermer, zater, sjlechter, grajer,
zoerder, sjojer, rotter en väöl ajer.
-
Angelique van Grimbergen (klarinet)
Ben van Daal (piano)
Joep Servais (midi instrumenten)
Resi Coumans (zang)
Ton Custers (gitaar)
Wim Suilen (fluit)
Koor: Bram, Eppo, Frans, Jeanne, Joep, Joris, Josse, Maartje, Maril, Resi, Ton, Vera
Tekst, muziek en arrangementen: Ton Custers
CD: De Nuuj Baedeleers
2017 Marlstone Music
-
Hóngerddoezjend vraoge
Doe höbs dien laeve lang gesjoef en altied sjtóng se klaor
ging d'r op 't werk get mis
den zoot se toes nag mit de henj in 't haor
alles mós wieke doe goofs dich meer den helemaol
vroogs dich nooit get aaf mer noe zitte ze dich veur paol
zelf nag vol mit toekoms vol mit planne veur nag lang
mer nag veur se 't zelf door haajs zoot se in die aafvloeitang
op 'n ziesjpaor niet meer neudig bös bedank veur waas se deejs
veur dae poes blome half versjlakkerd höbs se dao den veur gepees?
Doe zits mit 100.000 vraoge houws dich noe veur diene kop
mós d'r eigelik óm lache woor 't neet zó'n sjlechte mop
doe veuls dich óngerdeil van 'n patroon mer den verwisselbaar
good genóg veur waat gevraog waerd mer verder inruulwaar
aanne kantj gezat terwiel toch verder good nag veur gebroek
langsaam nao de hook geduujt in richting aafvalloek
en of det werkelik waor is interesseert dich verder neet
det is waasse veuls mer sjienbaar angere veur dich gein reet.
Noe zitse door det raam te sjtare, zjwiegs mer vrits dich op
drök bezig waat gebeurd is te vergaete mer ouch dao geisse aan kepot
en den kump ein van die nuje here in zónne sjnelle bak veurbie
dae maak door emes aan te sjtelle weer eine nuje sukkel blie
waat zouse gaer gaon zègke waas se zelf dao noe van dags
en waas se wie se zelf begós neet allemaol haajs verwach
mer den drej se diene kop óm en vreugs of d'r nag kóffie is
en 't ergste is nag desse merks desse toch daen ozel mis.
-
Peter Joosten (samples)
Peter Stapel (gitaar)
Ton Custers (zang)
Tekst en muziek: Ton Custers
CD: Inruulwaar
1985 PJP Studio
-