W – Ton Custers

13 liedjes
- Waat is 't eine sjat ('t Pact van Asselt)
- Waat is 't laeve? (De Nuuj Baedeleers)
- Waat ooit is gewaes (Aope Deure 2018)
- Wie dök? (Nooit meer allein)
- Wiejer kieke (Nooit meer allein)
- Wien is veur de knien ('t Pact van Asselt)
- Wie mansluuj zin(De Nuuj Baedeleers)
- Wie 't haaj kènne loupe (De Nuuj Baedeleers)
- Wie vrouwluuj zin (De Nuuj Baedeleers)
- Wo blief de tied? ('t Pact van Asselt)
- Wo ging 't mis? (De Nuuj Baedeleers)
- Wohaer? (Wohaer?)
- Wo is MacKat? (De Nuuj Baedeleers)
scroll naar beneden voor de teksten van deze liedjes

PDF met tekst en akkoorden

Lucy:
Waat is ’t laeve meer den vazel sentiment?
Waat is ’t laeve meer es pien?
Dao waerd gesjraveld, väöl gekös, en hel gerend.
Allein mer veur de sjone sjien.

Koor:
Kiek nao dien laeve, alles gegaeve.
Leefde en cente, sjone momente.
Kiek wo se noe bös, kiek wae ’t noe kös.
Waat is ’t Laeve? Waat wils se gaeve?

Lucy:
En bie alles waat ich haaj kwooms dich.
En doe sjpeeldes wie ’n kindj mit ’t laeve.
Veur det sjpel bön ich gezjwich.
Höb dich väöl te väöl gegaeve.

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden
Spotify
YouTube

Ich drej aan 'n sjpeeldoos en sjpeel mit de tied,
mit waat kump en waat ooit is gewaes.
Waat ooit is gewaes nooit vergaete, nooit kwiet,
bliek det waas se altied nag haes.

Dus pak diene trèkzak en sjpeel mit ós mit,
of blaos oppe sax wie nag nie.
Maak meziek mit dae breije van “Tant com me quedera”,
en zing weer die ein melodie.

Det van tomba tomba of det mit die feep,
det van morge van gister of waas se noe zaes.
't Ritme det ranselt de tied wie 'n zjweep,
waert nooit meug van waat ooit is gewaes.

Dus vleeg weer es vlinder dao vlak bie de brón,
oppe trappe die elfkes veurbie.
Leen dae sjmale mit krulle de hood veur de zón,
en zing den die ein melodie.

Lai la la la…
I ens podrem alliberar.

-
Jo Janssen (basgitaar)
Leo Crombach (gitaar en koorzang)
Luc Jakobs (toetsen en koorzang)
Maril Snijders (speeldoosje en koorzang)
Ton Custers (zang, gitaar en koorzang)

Tekst en muziek: Ton Custers
Arrangement: Aope Deure Band
Muziek speeldoosje en laatste refrein Lluis Llach (L'estaca)

CD: Aope Deure 2018
Mei 2018 Marlstone Music
-

PDF met tekst en akkoorden

Wie dök sjtóng se neet mit de móndj vol tenj
de tesse gevuld mit jeukende henj.
De teen gekruld in diene sjoon,
mer toch de móndj neet aope doon.

Leep se 't leefste rechtdoor,
es of d'r nieks of nemes woor.
Keeks neet óm en neet opzie,
neet meer langer inne zelfde rie.

Neet langer mitgaon inne pas,
verruuld dae eige veur dae angere jas.
De zaak gesjmete inne wietste hook
wo 't toes heurt en ouch zo muffig rook.
En ooit gedach noe neet meer euver miene rök,
wie dök?

Gangk en dink neet langer nao,
anges sjteis se euver teen jaor ouch nag dao.
Euverdink 't good det leus se inne beuk,
mer dink neet langer nao, gangk en zeuk.

Wie dök druim se neet van later ooit
mer dink se van ach 't zal waal nooit.
Wèts noe zóväöl dinge te verzinne
óm dao nag neet aan hove te beginne.

Duis de dinge van vandaag mit taengezin,
gluifs d'r eigelik ouch zelf neet meer in.
Allein esse örges sjtil allein zits,
en mit dichzelf weer geine raod wèts.

Den löp se in gedachte weer dae nuje waeg
veur de zóväölste keer.
Ach haaj se dit of det mer neet,
es ederein dich mer ‘ns leet.
En ooit gedach ich wil aaf van dae drök,
wie dök?

-
Maril Snijders (mandoline)
Ton Custers (zang, gitaar en samples)

Tekst, muziek en arrangement: Ton Custers

CD: Nooit meer allein
2002 Broddel Produksies
-

PDF met tekst en akkoorden

Nag eedre daag heel effe ónverwach
wachtend veur 'n sjtopleech, of es zo get waerd gezag.
'sj Morges wakker waerend mit meziek
's aoves es ich de daag dae kump alvas bekiek

Den dink ich effe truuk aan waat d'r woor,
veul den eine glimlach en gaon den glazig door.
Wunj die hele langsaam mit de tied,
mer gooj momente raak se toch gelökkig neet meer kwiet.

-
Ton Custers (zang, gitaar en samples)

Tekst, muziek en arrangement: Ton Custers

CD: Nooit meer allein
2002 Broddel Produksies
-

PDF met tekst en akkoorden

Petoet:
Druim van wie groot se bös,
en det nieks of nemes dich get kènt make.
Druim van wie good se bös,
den zal de waorheid dich nag bitter gaon sjmake.

Net ein val te väöl gezat.
‘ne Net te grote móndj gehad.
Net get te dök gemaete mit twee maote.
En mien dochter haajs se baeter mit rös kènne laote.

Druim van waat haaj gekós,
en wae se mesjien haajs mótte koupe.
Druim van waat haaj gekós,
en wie ’t haaj kènne loupe.
Wie ’t haaj kènne loupe.

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden
Spotify

Wo blief de tied
’n jaor veurbie gevlaoge, weinig tied veur vraoge
Wo blief de tied

Wo blief de tied
Alles ging geweun weer door,
net es of ’t gister woor,
Wo blief de tied

Soms euvervèlt mich wie ’t woor in miene sjlaop
Mer ich zeen de nuje kanse en de haop

Wo blief de tied

-
Anne Marie Sweelssen (zang)
Hans Evers (alt hobo)
Joep Servais (samples)
Wim Suilen (fluit)
Yvonne Delissen (fagot)

Tekst, muziek en arrangement: Ton Custers

CD: 't Pact van Asselt
2015 Marlstone Music
-

PDF met tekst en akkoorden

MacKat:
Men haet ’t oordeil klaor, de metse zin gesjlepe
Zelf zou ich ’t zelfde es die voel verraojers doon
Wo ging ’t mis, waat höb ich neet begrepe
Waat noe gebeurt det is mesjien waal mien verdeende loon

Toch nag väöl te braaf gewaes, te weinig euver lieke
Zo langs se nag scrupules haes, zal eer en riekdom wieke

Koor:
Wo ging ’t mis?
Waat höbs se neet begrepe?
’t Is wie ’t is, de metse zin gesjlepe.

-
Tekst en muziek: Ton Custers

Uit: De Nuuj Baedeleers 2017
-

PDF met tekst en akkoorden

Gister, taenge 'n oer of teen
dag ich kóm sjtap op, 'n pilske geit d'r altied in.
Ich ging nao 'n kroeg, zat mich bie de tap,
zoot dao nag mer net, dao kump dao zónne flap.
Dae zaet: "hei bös doe neet eine van die,
die alles zjwart inzeen, waat duis se den hie?.

Vertrèk den mer nao Ruslandj, rotte roje zak,
mit diene grote móndj.
't Enigste waat hie mis is in 't landj,
det zin die zjwartlep, en dae linkse sjtróntj.
Hie haaj ederein 't good,
es det tuug verdween mit eine zinkende boot."

Wie ich det heurde, zoog ich veur mich waat zou gebeure.
Ich zoog miense toen krepere vanne hónger en de dors.
Ich zoog hóngerde gewaere, ‘ne mit kogels doorzeefde bors.
Zjwaore sjtevele vertrappe mit de hak 'ne miensehandj,
en 'n kindj det sjteit te bäöke mit 'n lief half verbrandj.

En ich zoog de res nag zjwiege, nemes sjtook 'ne vinger oet.
Mit de pens te vol gevraete, veur de televisie achteroet.
Dreje den de kop óm, veur waar door die zek waerd oetgedach,
haje mit häör zjwiege, die verkes aan de mach.

Toch bleef ich röstig, ich verzat mich 'ns.
Ich zoog de res die zjweeg, mer woor 't mit 'm èns.
Ich zag: "höb geur den ech neet door,
waat men van uch wilt is det g'r brult in koor.
Zo gaon v'r langsaam veur de bijl,
veurdet g'r 't wèt reup emes Sieg en geur Heil".

-
Huub Custers (zang en gitaar)
Jo Douven (basgitaar en samples)
Ton Custers (zang en gitaar)

Tekst en muziek: Ton Custers

CD: Wohaer?
April 1983 AC Studio
-

W

Waat is ’t eine sjat

Waat is ’t laeve?

Waat ooit is gewaes

Wie dök?

Wiejer kieke

Wien is veur de knien

Wie mansluuj zin

Wie ’t haaj kènne loupe

Wie vrouwluuj zin

Wo blief de tied?

Wo ging ’t mis?

Wohaer?

Wo is MacKat?